Day: December 19, 2023

  काठमाडौँ, ३ पुस । संसद्को राज्यव्यवस्था तथा सुशासन समितिले एनसेलको सेयर खरिद बिक्रीबाट राज्यले प्राप्त गर्नुपर्ने कर असुल उपर गर्न सरकारलाई निर्देशन दिएको छ । मङ्गलवार बसेको समिति बैठकले सरकारबाट बनाइएको छानबिन समितिको प्रतिवेदनलाई समेत आधार लिई प्रचलित कानुन बमोजिम राज्यलाई तिर्नुपर्ने वा बुझाउनुपर्ने कर/गैर कर रकम एनसेलबाट असुल उपर गर्न नेपाल सरकार, प्रधानमन्त्री तथा मन्त्रिपरिषद्को कार्यालय, अर्थ मन्त्रालय र उद्योग, वाणिज्य तथा आपूर्ति मन्त्रालयलाई निर्देशन दिएको हो ।   बैठकले गरेका यी हुन् निर्णयहरू १. नेपाल सरकारबाट बनाइएको ‘एनसेलको शेयर खरिद बिक्री सम्बन्धी अध्ययन तथा छानबिन समिति– २०८०’ को प्रतिवेदनलाई समेत आधार लिई प्रचलित कानुन बमोजिम राज्यलाई तिर्नुपर्ने…

बेइजिङ, ३ पुस । चीनको गान्सु प्रान्तमा सोमबार राति शक्तिशाली भूकम्पको धक्का महसुस गरिएको छ । भूकम्पको तीव्रता रेक्टर स्केलमा ६.२ मापन गरिएको छ ।   चाइना अर्थक्वेक नेटवर्क सेन्टर (CENC)का अनुसार पश्चिमी चीनको गान्सु प्रान्तमा सोमबार राति १२ बजेर ३० मिनेटमा भूकम्पको धक्का महसुस गरिएको थियो । समाचार एजेन्सी एएफपीका अनुसार चीनको गान्सु प्रान्तमा गएको भूकम्पमा परी मृत्यु हुनेको सङ्ख्या १०० नाघेको छ भने दुई सयभन्दा बढी घाइते भएका छन् । भूकम्पको तीव्रता यति शक्तिशाली थियो कि धेरै भवनहरू ध्वस्त भएको बताइएको छ । भवनहरू ध्वस्त भएका कारण धेरै मानिसहरू भग्नावशेषमा पुरिएका छन् ।   योसँगै छिङहाई प्रान्तको मिन्हे काउन्टी…

  मोहम्मद हबिब भैरहवा, ३ पुस । गौतमबुद्ध अन्तर्राष्ट्रिय विमानस्थल अगाडि भइरहेको धर्ना निरन्तर हुने भएको छ ।   उद्घाटन भएको १६ महिना बित्दा समेत गौतमबुद्ध अन्तर्राष्ट्रिय विमानस्थल पूर्ण रूपमा सञ्चालन नभएपछि सिद्धार्थ सञ्जाल रुपन्देहीको नेतृत्वमा विरोध तथा धर्ना थप हुने भएको हो ।   वार्ताको लागि सोमबार संस्कृति, पर्यटन तथा नागरिक उड्डयन मन्त्री सुदन किराँतीको अध्यक्षतामा भएको छलफलमा मन्त्रालयले भैरहवास्थित गौतम बुद्ध अन्तर्राष्ट्रिय विमानस्थललाई पूर्ण क्षमतामा सञ्चालनका लागि आवश्यक नीतिगत काम तत्काल अघि बढाउन मातहतका सम्बन्धित निकायलाई निर्देशन दिए पनि विमानस्थल पूर्ण सञ्चालनको लागि कुनै ठोस निर्णय नभएको जनउदै सिद्धार्थ सञ्जालले विमानस्थल अगाडि जारी धर्ना कार्यक्रमलाई निरन्तरता दिने जानकारी दिएको…

तेल अहिव, ३ पुस । इजरायली सेनाले हालै गाजापट्टीमा अहिलेसम्म भेटिएको सबैभन्दा ठुलो सुरुङ फेला पारेको बताएको छ ।   यसको साइज यति ठुलो थियो कि सुरुङ भित्र साना सवारीसाधन सहजै जान सक्ने थियो ।   इजरायली सेनाको एक विज्ञप्तिमा भनिएको छ कि सुरुङ चार किलोमिटर भन्दा बढी क्षेत्रफलमा फैलिएको छ र इरेज सीमा पार गर्ने भन्दा बाहिर ४०० मिटर (१३०० फिट) गहिरो थियो ।   इजरायली सेनाले लाखौँ डलरको लागत र निर्माण गर्न धेरै वर्ष लागेर यो सुरुङ बनाएको बताएको छ । उसका अनुसार परियोजनाको नेतृत्व हमास प्रमुख याह्या सिनवारका भाइ मोहम्मद याह्याले गरेका थिए, जो अक्टोबर ७ को…