Blog

काठमाडौँ, २५ पुस  । नेपाल प्रहरीको केन्द्रीय अनुसन्धान ब्युरोले तपस्वी भनेर चिनिने रामबहादुर बम्जनलाई मङ्गलवार साँझ पक्राउ गर्‍यो।  बुढानीलकण्ठ नगरपालिका-६ हात्तीगौंडाबाट पक्राउ परेका बम्जनलाई ब्युरोले बुधवार पत्रकार सम्मेलन गरी सार्वजनिक गरेको छ। बम्जनको आश्रमबाट हालसम्म चार जना बेपत्ता भएको खुलेको छ।  तिनीहरूमध्ये एक हुन् २९ बर्सिया चुन्मो भनिने चिनीमाया तामाङ। नुवाकोट मेधाङ गाउँपालिका-३ घर भएकी उनी सिन्धुपाल्चोकस्थित बाडेगाउँको आश्रमबाट बेपत्ता भएकी थिइन्।   ब्युरोका एसएसपी दिनेश आचार्यका अनुसार उनी २०६९ साल असोज महिनाबाट बेपत्ता छिन्। उनी अहिलेसम्म कहाँ छिन् खुलेको छैन। यस्तै, सिन्धुपाल्चोक बाडे गाउँ आश्रमबाट बेपत्ता भएका अर्का व्यक्ति हुन् ५१ वर्षीय सञ्चालन वाइबा। हेटौँडा उपमहानगरपालिका-१३ घर भएका उनी २०७१ साल चैत १४…

रौतहट,२५ पुस । विगत केही दिनदेखि बढेको शीत लहरका कारण रौतहटको जनजीवन प्रभावित भएको छ । रौतहटका गरिब तथा विपन्नहरूको बस्तीमा जाडोले जनजीवन प्रभावित भएको हो। जाडोका कारण विपन्न तथा गरिब बस्तीका सर्वसाधारणलाई बिहान बेलुकाको छाक टार्नसमेत हम्मे हम्मे परेको छ । दैनिक ज्याला मजदुरी गरेर जीवनयापन चलाउँदै आएका गरिब तथा विपन्नहरूको जनजीवन शीत लहर र ठन्डीले कष्टकर बनाएको छ । पर्याप्त मात्रामा ओढ्ने ओछ्याउने नभएका कारण जिल्लाका ग्रामीण भेगका विपन्न बस्तीहरूमा सर्वसाधारणहरू पराल ओछ्याएर सुत्न बाध्य भएका छन्। जिल्लाका गरिब तथा विपन्नहरूका बस्तीमा यति बेला उनीहरूको सहारा पराल बनेको छ। पराल नै ओछ्याएर पराल नै बालेर तापेर उनीहरू रातदिन कटाउन बाध्य भएका छन्।…

काठमाडौँ, २५ पुस । नेपाल प्रहरीको  केन्द्रीय अनुसन्धान ब्युरोले पक्राउ गरेका तपस्वी रामबहादुर बम्जनको घरबाट १७ देशका विदेशी मुद्रा फेला परेका छन्। ब्युरोले बुढानीलकण्ठ नगरपालिका-६ हात्तीगौंडाबाट मङ्गलवार पक्राउ गरेका बम्जनको घरमा छापा मार्दा १७ देशका विदेशी मुद्रा फेला परेको हो।   ब्युरोका एक अधिकृतका अनुसार १७ देशका विदेशी मुद्राको नेरु ३० लाख ९२ हजार ४०६ हुन जान्छ। बम्जनको घरबाट प्रहरीले नेपाली रकम ३ करोड ३ लाख ७५ हजार ५०० रुपैयाँ बरामद गरेको छ। बम्जनको घरबाट विदेशी मुद्रा र नेपाली गरी ३ करोड ३४ लाख ३७ हजार ९०६ रुपैयाँ बरामद भएको ती अधिकृतले बताए।   बरामद अन्यमा गाडी तथा मोटरसाइकल रहेका…

सञ्जय मिश्रा  रौतहट २५ पुस । सङ्घीयता पछि गाउँ गाउँमा सिंहदरबार आउँछ र जनताको आधारभूत आवश्यकता पूरा गर्दै देशको विकास गर्छ, सुखी नेपाली समृद्ध नेपाल बन्छ भने यहाँका नागरिकले विश्वास लिएका थिए। २०७४ को स्थानीय निर्वाचन पछि गाउँ गाउँमा सिंहदरबार त आयो तर जनता बाट चुनिएर आएका जनप्रतिनिधि अर्थात् छोटे राजाहरू जनताको आवश्यकता भन्दा बजेटकै भागबन्डामा अल्झिएका छन् ।   नागरिकको पिर मर्कालाई हेर्ने उनीहरूलाई मतलब नै देखिएन । बजेट बाहेक अन्य समस्या देख्ने यिनलाई फुर्सद नै छैन। यसको ज्वलन्त उदाहरण बनेको छ रौतहटको वृन्दावन नगरपालिका ।   पूजाको लागि चन्दा नदिएको भन्दै वडा १ को कार्यालयमा एक समूहले डेढ…

  काठमाडौँ, २६ पौष । कोरोना सङ्क्रमण बढेसँगै इपिडिमियोलोजी तथा रोग नियन्त्रण महाशाखाले दैनिक रिपोर्ट बुझाउन सबै निकायलाई आग्रह गरेको छ। महाशाखाले एक विज्ञप्ति जारी गर्दै सबै सेन्टिनल साइट, प्रवेश विन्दु, कोभिड रिपोर्टिङ ल्याब र सरकारी तथा निजी अस्पतालहरूलाई कोभिड-१९ सङ्क्रमितहरूको दैनिक प्रतिवेदन अनिवार्य रूपमा बुझाउन अनुरोध गरेको हो। महाशाखाले पिसिआर पोजेटिभ बिरामीको जिनोम सिक्वेन्सिङका लागि राष्ट्रिय जनस्वास्थ्य प्रयोगशालामा पठाउनसमेत अनुरोध गरेको छ। केही देशहरूमा कोभिड-१९ सङ्क्रमणको नयाँ सब-भेरियन्ट 'जेएन.१' को जोखिम बढिरहेको र छिमेकी देशमा फैलिरहेकोले नेपालमा पनि जोखिम बढेको भन्दै सावधानी अपनाउन स्वास्थ्य मन्त्रालयले यसअघि नै अनुरोध गरिसकेको छ। नेपालमा पनि उक्त भेरियन्ट सात जनामा पुष्टि भइसकेको छ। यस्तै…

काठमाडौँ, २५ पुस । लोकसेवा आयोगले विभिन्न रिक्त पदपूर्तिका लागि आवेदन आह्वान गरेको छ । निजामती सेवाका राजपत्र अनङ्कित प्रथम श्रेणी (अप्राविधिक) तथा राष्ट्रिय मानव अधिकार सेवाका सहायक प्रथम श्रेणीका पदका लागि आयोगले दरखास्त माग गरेको हो । तोकिएको न्यूनतम योग्यता पुगेका उमेदवारहरुले आयोगको अनलाइन दरखास्त प्रणालीमार्फत आवेदन दिन सक्ने छन् ।

काठमाडौँ, पौष २४ । प्रगतिशील लेखक सङ्घले इलामको पर्यटकीय क्षेत्र, श्रीअन्तुमा अन्तर्राष्ट्रिय कविता महोत्सव गर्ने सङ्घका महासचिव डा.देवी दुलाल द्वारा जारी प्रेस वक्तव्यमा जानकारी जनाइएको छ । सङ्घको राष्ट्रिय परिषद् बैठक समेत गर्ने गरी नेपालको पर्यटकीय क्षेत्र इलाममा सो कार्यक्रम गर्ने तयारी गरिएको वक्तव्यमा उल्लेख छ । सङ्घको पौष २४ गते काठमाडौँको बागबजारस्थित केन्द्रीय कार्यालयमा अध्यक्ष डा.मधुसूदन गिरीको अध्यक्षतामा बसेको सचिवालय बैठकले नेपाल, भारत, बङ्गलादेश, भुटान लगायत विभिन्न देशका लेखक तथा कविहरूलाई बोलाएर कार्यक्रमलाई ऐतिहासिक रूप दिने वक्तव्यमा उल्लेख छ । ऐतिहासिक महोत्सवलाई सफल पार्न अहिलेदेखि नै प्रचार प्रसार तथा व्यवस्थापनको तयारीमा लागिएको महासचिव डा.दुलालले ज्ञानघरलाई बताए । कविता महोत्सवको…