09
Mar
काठमाडौँ । पूर्व राजा ज्ञानेन्द्र शाहको स्वागतमा राजावादीहरूले भारतको उत्तर प्रदेशका मुख्यमन्त्री आदित्यनाथको तस्बिरको पोस्टर देखिएको छ । लामो समयसम्म पोखराको बसाई पछि आइतबार काठमाडौँमा फर्किएका पूर्व राजा ज्ञानेन्द्रलाई स्वागत गर्न त्रिभुवन विमानस्थल बाहिर पुगेका उनका समर्थकले आदित्यनाथको पोस्टर बोकेर पुगेको विषय विवादित बनेको छ । आदित्यनाथको पोस्टरमा राज संस्था पुनः स्थापना गरौँ भन्ने उल्लेख छ । आदित्यनाथ र ज्ञानेन्द्रको ठुलो पोस्टर बनाएर राजावादीहरू उपस्थित भएपछि अहिले राजावादीहरूको सक्रियतामा उत्तर प्रदेशका मुख्यमन्त्रीको सहयोग रहेको आशङ्का हुन थालेको छ । पूर्व राजा ज्ञानेन्द्रले पनि पटक पटक आदित्यनाथसँग उत्तर प्रदेश पुगेरै भेट गर्ने गरेका छन् ।
