Day: March 15, 2024

काठमाडौँ चैत्र २ । प्रगतिशील लेखक सङ्घले नियमित रूपमा सञ्चालन गर्दै आएको परिसंवाद कार्यक्रमको ७०औँ भाग, चैत्र २ गते सम्पन्न भएको छ । क.पुष्पलालको दार्शनिक योगदान विषयक कार्यक्रमको विषयवस्तु प्रस्तोता पुष्पलाल अध्ययन समाजका अध्यक्ष लोककृष्ण भट्टराई थिए ।  सङ्घको बागबजारस्थित कार्यालयमा भएको कार्यक्रममा आफ्नो धारणा राख्दै प्रस्तोता भट्टराईले ‘क.पुष्पलालमा रहेको द्वन्द्वात्मक भौतिकवादी विश्व दृष्टिकोणका कारण उनले नयाँ जनवादी कार्यक्रम, बुद्धिजीवीलाई निर्देशन, समाजवादको व्याख्या, मूल बाटो जस्ता विषयवस्तु हरूमा प्रस्ट रूपमा अगाडि बढेको’ बताए । उनले भने, ‘क.पुष्पलालले पहिलो पटक कम्युनिस्ट पार्टीको घोषणापत्रलाई नेपालीमा अनुवाद गरेर देशमा कम्युनिस्ट आन्दोलनलाई थप ऊर्जा दिन महत्त्वपूर्ण भूमिका निर्वाह गरे ।’  पुष्पलाल जन्म शताब्दी २०८१को सन्दर्भ…

काठमाडौँ, २ चैत । सहकारी ठगी र सुन तस्करी प्रकरणमा मुछिएका पूर्व उपराष्ट्रपति नन्दबहादुर पुनका छोरा दीपेश पुन पक्राउ परेका छन् । प्रहरीले उनलाई धापासी बाट भर्खरै पक्राउ गरेको बताइएको छ।

काठमाडौं, २ चैत । प्रधानमन्त्री पुष्पकमल दाहाल प्रचण्डले काँग्रेससँगको गठबन्धन तोडेर एमाले र रास्वपा सहितको नयाँ गठबन्धन बनाएपछि राजनीति तरङ्गित भएको छ । नयाँ गठबन्धनले विश्वासको मत जितिसकेपछि पनि राजनीतिक वृत्तमा सरकारको स्थिरता र नयाँ विकल्पको बारेमा अड्कल बाजी कायम रहेको छ । यसै अड्कलबाजीका बिच एकीकृत समाजवादीका अध्यक्ष माधव कुमार नेपाल प्रधानमन्त्री बन्ने विषय सबैभन्दा बढी चर्चामा रहेको छ । नेपाललाई अघिल्लो गठबन्धनमा कम्तीमा एक वर्ष प्रधानमन्त्री बनाउने सहमति थियो । तर अघिल्लो गठबन्धन टुटेसँगै नेपालको प्रधानमन्त्री बन्ने सहमति समेत तुहिएको थियो । तर नयाँ गठबन्धनमा सामेल हुने क्रममा नेपालले यस अघि सम्झौतालाई उठाएपछि प्रधानमन्त्री प्रचण्ड र एमाले अध्यक्ष…

टोकियो, २ चैत । जापानको एक उच्च अदालतले देशमा समलिङ्गी विवाहलाई कानुनी मान्यता नदिने कुरा असंवैधानिक भएको फैसला सुनाएको छ । सो फैसला पछि सरकारलाई यौन अल्पसङ्ख्यकहरूको सुरक्षाका लागि थप काम गर्न थप दबाब दिएको छ । सप्पोरो उच्च अदालतले २०२१ मा तल्लो अदालतको ऐतिहासिक फैसलालाई समर्थन गर्‍यो, जसमा समलिङ्गी विवाहलाई मान्यता नदिँदा संविधान अन्तर्गत संरक्षित समानताको अधिकार उल्लङ्घन हुन्छ । तर, तीन समलिङ्गीले माग गरेको क्षतिपूर्तिमा कुल ६० लाख येनलाई भने अस्वीकार गरेको छ । तर, सो मुद्दाका वादीहरूले उक्त फैसलाविरुद्ध सर्वोच्च अदालतमा पुनरावेदन गर्ने बताएका छन् । हालको कानुनले समलिङ्गी विवाहलाई स्वीकार नगरेकोमा प्रश्न उठाउँदै पाँच जिल्ला अदालतमा दायर…

काठमाडौँ, २ फागुन । प्रमुख प्रतिपक्षी दल काँग्रेसले सहकारी ठगी प्रकरणमा मुछिएका रास्वपा सभापति रवि लामिछानेलाई गृहमन्त्री बनाएको विषयमा प्रधानमन्त्री पुष्पकमल दाहाल प्रचण्डसँग जवाफ मागेको छ । शुक्रवार बसेको प्रतिनिधिसभा बैठकमा काँग्रेस सांसद प्रदीप पौडेलले सहकारी ठगी प्रकरणमा मुछिएका लामिछानेलाई गृहमन्त्री बनाएर कस्तो अनुसन्धान हुने भन्दै प्रधानमन्त्री प्रचण्डले जवाफ दिनुपर्ने माग गरे ।  प्रधानमन्त्री प्रचण्डको सुशासनको नीतिप्रति आशङ्का गर्दै उनले जुन निकायले छानबिन गर्नुपर्ने त्यही निकायको नेतृत्व आरोपीलाई दिनु अनुचित हुने बताए । 

काठमाडौँ, २ फागुन । सुनको अवैध तस्करी नियन्त्रण जाँचबुझका लागि गठित आयोगले सुन तस्करीमा पूर्व सभामुख तथा  माओवादी केन्द्रका उपाध्यक्ष कृष्णबहादुर महराको संलग्नता देखिएको ठहर गरेको छ ।  आयोगले महरालाई मुद्दा चलाउन सिफारिससहितको प्रतिवेदन सरकारलाई बुझाएको छ । सुन तस्करीबारे छानबिन गर्न बनेको पूर्व न्यायाधीश डिल्लीराज आचार्यको नेतृत्वको आयोगले बिहीबार उपप्रधान तथा गृहमन्त्री रवि लामिछानेलाई प्रतिवेदन बुझाएको थियो । उक्त प्रतिवेदन गृहमन्त्री लामिछानेले प्रधानमन्त्री पुष्पकमल दाहाल प्रचण्डलाई शुक्रवार बुझाएका छन् ।  

बेइजिङ, २ चैत । टिकटक माथि प्रतिबन्ध लगाउने अमेरिकी तयारी प्रति चीनले आपत्ति जनाएको छ ।  अमेरिकी संसद् मार्फत टिकटक प्रतिबन्ध गराउने विधेयकले चाँडै नै अमेरिकामा प्रतिबन्ध लगाउनका लागि बाटो खुल्ला गरेको छ । तर, चीनले अमेरिकी संसद्को सो प्रयासलाई अन्यायपूर्ण र डाँकु जस्तो व्यवहार गरेको आरोप लगाएको छ । बिहीबार बेइजिङमा आयोजित पत्रकार सम्मेलनमा चिनियाँ विदेश मन्त्रालयका प्रवक्ता वाङ बेनवीनले विधेयकमाथिको मतदान निष्पक्ष प्रतिस्पर्धा र न्यायको सिद्धान्त विपरीत भएको पहिलो प्रतिक्रिया दिएका छन् । ‘जब कसैले अर्को व्यक्तिसँग भएको राम्रो चीज देख्छ र यसलाई आफ्नो लागि लिने प्रयास गर्दछ, यो पूर्णतया डाँकुको तर्क हो,’ प्रवक्ता वाङले भने । अर्का…