Day: December 25, 2023

काठमाडौँ, ९ पुस । प्रमुख तीन दलका शीर्ष नेताहरूबिच बैठक बालुवाटारमा सुरु भएको छ। प्रधानमन्त्री पुष्पकमल दाहाल प्रचण्डले बोलाएको बैठकमा नेपाली काँग्रेस, नेकपा एमाले र नेकपा माओवादी केन्द्रका शीर्षसहितका नेताहरू सहभागी छन्। छलफलमा नेकपा (एमाले)का अध्यक्ष केपी शर्मा ओली, नेपाली काँग्रेसका सभापति शेरबहादुर देउवालगायत नेताहरू सहभागी छन्। यस्तै बैठकमा उपप्रधानमन्त्री एवं रक्षा मन्त्री पूर्णबहादुर खड्का र कानुन, न्याय तथा संसदीय मामिला मन्त्री धनराज गुरुङ तथा काँग्रेस नेता राधेश्याम अधिकारी, एमाले नेता अग्निप्रसाद खरेल र महेश बर्तौला, माओवादी केन्द्रबाट वर्षमान पुन र खिमलाल देवकोटाको सहभागिता रहेको प्रधानमन्त्री सचिवालयले जनाएको छ। बैठकमा सङ्क्रमणकालीन न्यायसम्बन्धी विधेयक (टीआरसी विधेयक) मा छलफल भइरहेको छ।

भैरहवा, ९ पुस । लघु वित्तीय संस्थाले ज्यादती गरेको भन्दै रुपन्देहीको भैरहवामा लघुवित्त पीडितहरूले प्रदर्शन गरेका छन् । लघु वित्तीय संस्थाविरुद्धको सङ्घर्ष समिति नेपालले प्रदर्शन गरेको हो । उनीहरूले लघु वित्तीय संस्था खारेज गर, लघु वित्तीय संस्थाहरू द्वारा लगाइएको सामूहिक ऋण मिनाहा गर, गरिब किसानहरूलाई नि शुल्क ऋण प्रदान गर, ऋणी मार्न पाइँदैन लगायतका नारा सहित प्रदर्शन गर्दै नेपाल राष्ट्र बैङ्क सिद्धार्थनगर अगाडि सभा गरेका छन्  । भैरहवाको लुम्बिनी गेटबाट सुरु भएको लुम्बिनी प्रदेश सम्मेलन तथा विरोध प्रदर्शन राष्ट्र बैङ्क गाडी कोणसभामा परिणत भएको थियो । सो अवसरमा बोल्दै सङ्घर्ष समितिका केन्द्रीय अध्यक्ष मनीराम ज्ञवाली, लुम्बिनी प्रदेश अध्यक्ष बद्री देवान, गगन…

मुकेशकुमार यादव  सिराहा, ८ पुस । सिराहाको मिर्चैया नगरपालिका–११ सोनी स्थित सदाय (मुसहर)बस्ती उठाउने षडयन्त्र भइरहेको स्थानीयले बताएका छन् । आफ्नै गाउँ ब्लकको जग्गा साटफेर गरेर तीन पुस्तादेखि बस्दै आएको मुसहर बस्ती अहिले हटाउने षडयन्त्र भएको गुनासो आएको छ ।   मुसहर बस्ती गाउँको बिचमा परेपछि तत्कालीन जमिनदारसमेत रहेका सुवेलाल अरगरियाले गाउँदेखि उत्तरको आफ्नो जमिनमा मुसरबस्ती सारेको वडा सदस्यसमेत रहेका स्थानीय ७५ वर्षीय झगडु माझीले जानकारी दिए। साटफेर गरेको भए पनि जमिनदारको अगाडि कोही बोल्न नसक्दा उनीहरूको नाममा जमिन आउन नसकेको वडा सदस्य माझीले बताए । उनले त्यस बेल जमिनदारसँग कुरा गर्ने आँट कसैको हुँदैन थियो, त्यसैले पनि यो जमिन…

गाजा, ९ पुस । हमास– इजरायल बिचको जारी युद्धमा पत्रकारहरू मारिने क्रम अझै रोकिएको छैन । अक्टोबर ७ यता इजरायली आक्रमणबाट कम्तीमा १०३ पत्रकार मारिएको गाजाको सरकारी मिडिया कार्यालयले टेलिग्राममा एउटा पोस्टमा भनेको छ ।सो द्वन्द्वको मारिने पछिल्ला पत्रकारमा अल जजिराका क्यामेराम्यान समेर अबुदा रहेका छन् ।   साथै, गाजाको स्वास्थ्य मन्त्रालयले अक्टोबर ७ यता इजरायली आक्रमणमा कम्तीमा २०, ४२४ व्यक्तिको मृत्यु भएको जानकारी दिएको छ   जुन युद्धमा परी हालसम्म ५४,०३६ व्यक्ति घाइते भएका छन्।   उक्त सङ्ख्यामा पछिल्लो २४ घण्टामा १६६ जनाको मृत्यु भएको सो मन्त्रालयले जनाएको छ ।

काठमाडौँ, ९ पुस । नेपालमा हरेक दिन जाडो बढिरहेको छ । जे होस्, पुस बढदैँ जाँदा चिसो झन् झन् बढ्दै गएको छ। विशेष गरी नेपालको उत्तरी भागमा आजकाल अत्यधिक चिसो बढेको छ । नेपालीका उच्च पहाडी भू भाग र हिमाली भू भागमा यतिखेर हिमपात भइरहेको छ ।   तर के तपाईँलाई थाहा छ संसारको सबैभन्दा चिसो ठाउँमा मानिसलाई के हुन्छ ? त्यहाँको तापक्रम कति छ ? धाराबाट निस्कने बित्तिकै पानी बरफमा परिणत हुने ठाउँ पनि परिणत हुन सक्छ, जुन ठाउँमा मान्छे एकै ठाउँमा उभियो भने कठयाङग्रिएर मर्न पनि सक्छ । त्यसो भए आउनुहोस्, संसारको सबैभन्दा चिसो ठाउँको बारेमा थाहा पाउनुहोस्।…