Blog

यारेन, नाउरू, २ माघ । दक्षिण प्रशान्त महासागरको राष्ट्र नाउरुले सोमबार ताइवानसँगको कूटनीतिक सम्बन्ध तोडेको घोषणा गरेको छ ।   प्रशान्त महासागरको टापु राष्ट्र नाउरुले ताइवानबाट कूटनीतिक मान्यता फिर्ता लिएर चीनसँग सबन्ध जोडिएको बताएको छ। राष्ट्रपति डेभिड अडियाङले आधिकारिक फेसबुक पेजमा पोस्ट गरेको राष्ट्रिय सम्बोधनमा उक्त निर्णयको घोषणा गरेका हुन्।   एक मिडिया विज्ञप्तिका अनुसार नाउरु सरकारले अब ताइवानलाई ‘पृथक् देश तर चीनको क्षेत्रको अभिन्न अङ्ग’ भनेर मान्यता दिने बताएको छ। नाउरुले तुरुन्तै ताइवानसँग ‘कूटनीतिक सम्बन्ध तोड्नेछ’ र ‘ताइवानसँग कुनै पनि आधिकारिक सम्बन्ध वा आधिकारिक आदानप्रदान विकास गर्दैन।’   कूटनीतिक आधारमा ताइवानलाई आधिकारिक रूपमा मान्यता दिने केही देशहरूमध्ये नाउरु पनि…

काठमाडौँ, २ माघ - त्रिशूली नदीमा भारतीय नम्बर प्लेटको जिप खसेको पाइएको छ। नारायणगढ-मुग्लिन सडक खण्ड अन्तर्गत इच्छा कामना गाउँपालिका-५ स्थित तीन नम्बर पुल नजिकबाट उक्त जिप त्रिशूली नदीमा खसेको पाइएको जिल्ला प्रहरी कार्यालय चितवनले जनाएको छ। सेतो रङ्गको सिङ्गल क्याप जिप त्रिशूली नदीमा फेला परेको जिल्ला प्रहरी प्रवक्ता प्रहरी नायब उपरीक्षक श्रीराम भण्डारीले बताए। 'बिहान राति नदीमा रातो बत्ती बलेपछि सवारीसाधन खसेको अनुमान गरी खोजी थालिएको थियो,' भण्डारीले भने। बिहान ४:५० बजे नदीभित्र बत्ती बलेको जस्तो देखिएपछि सशस्त्र प्रहरीको गोताखोर टोलीले परिचालन गरिएको थियो। खोजी सिलसिलामा भारतीय नम्बर प्लेट बिआर ०९जिसी १४३० नम्बरको बोलेरो जिप फेला परेको भण्डारीले बताए। जिप…

नयाँ दिल्ली, २ माघ । भारतीय वैज्ञानिकहरूको एउटा समूहले एउटा ठुलो दाबी गरेका छन् कि अब आफ्नो मोबाइल वा ग्याजेट श्वास फेरेको भरमा नै खोल्न र बन्द गर्न सकिनेछ । भारतीय समाचार संस्था एनडिटीभीका अनुसार सास फेर्ने क्रममा हावाको हलचल प्रक्रिया ( टर्ब्युलन्स)ले बायोमेट्रिक प्रमाणीकरण विधिको रूपमा काम गर्न सक्ने उपाय पत्ता लागेको छ । यसको मतलब स्मार्टफोन र अन्य उपकरणहरू साँस फेरेको भरमा अनलक गर्न सकिन्छ। यसको सबैभन्दा ठुलो फाइदा वा बेफाइदा जे भने मृत व्यक्तिको व्यक्तिगत ग्याजेट अनलक हुने छैन। चेन्नईको इन्डियन इन्स्टिच्युट अफ टेक्नोलोजीका महेश पञ्चगुला र उनको टोलीले आफ्नो प्रयोगबाट यो जानकारी सङ्कलन गरेको हो ।…

काठमाडौँ, १ माघ । नेपाल आयल निगमले पेट्रोलियम पदार्थको मूल्य घटाएको छ। निगमले पेट्रोलको मूल्यमा प्रति लिटर १.२६ रुपैयाँ र डिजेल/मट्टितेलको मूल्यमा प्रति लिटर ०.८३ रुपैयाँले घटाएको हो। अब पेट्रोलको मूल्य पहिलो वर्गका लागि प्रति लिटर १६३.५० रुपैयाँ, दोस्रो वर्गका लागि प्रति लिटर १६५ रुपैयाँ र तेस्रो वर्गका लागि प्रति लिटर १६६ रुपैयाँ कायम भएको छ। त्यस्तै, डिजेल/मट्टितेलको मूल्य पहिलो वर्गका लागि प्रति लिटर १५३.५० रुपैयाँ, दोस्रो वर्गका लागि प्रति लिटर १५५ रुपैयाँ र तेस्रो वर्गका लागि प्रति लिटर १५६ रुपैयाँ कायम भएको छ। भारतीय आयल कर्पोरेसनबाट सोमबार प्राप्त नयाँ खरिद मूल्यअनुसार मूल्य समायोजन गरिएको निगमले जनाएको छ। घटाइएको मूल्य…

काठमाडौँ, १ माघ - टुँडिखेलमा आयोजित माघी कार्यक्रमको भिडभाडमा च्यापिएर घाइते हुनेको सङ्ख्या ११ पुगेको छ। माघे सङ्क्रान्तिको अवसरमा मगर र थारु समुदायले आयोजना गरेको अलग-अलग कार्यक्रममा सहभागी हुन गएका सर्वसाधारण अत्यधिक भिडभाडमा च्यापिएर घाइते भएका हुन्। घाइते भएका ११ जनालाई उपचारका लागि राष्ट्रिय ट्रमा सेन्टर लगिएको जिल्ला प्रहरी परिसर काठमाडौँका प्रवक्ता प्रहरी उपरीक्षक कुमोध ढुङ्गेलले बताए। घाइतेहरूको अवस्था सामान्य रहेको उनले बताए। भित्र प्रवेश गर्ने र बाहिर निस्कनेहरू धेरै हुँदा टुँडिखेलको गेटमा भिडभाड बढेको थियो। प्रहरीले यस क्रममा लाठी चार्ज गरी भीड नियन्त्रणमा लिएको छ। भीडमा परेर एक जना प्रहरी जवान पनि घाइते भएको परिसर प्रवक्ता ढुङ्गेलले बताए। घाइतेहरूको…

काठमाडौँ, १ माघ । काठमाडौँ महानगरपालिकाका प्रमुख बालेन्द्र शाह (बालेन)ले मेलम्चीको पानी वितरणमा भएका उद्घाटनका विषयमा सङ्घीय सरकारप्रति कटाक्ष गरेका छन् । सोमबार प्रधानमन्त्री पुष्पकमल दाहाल प्रचण्डले मेलम्चीको पानी वितरणको उद्घाटन गरेपछि सामाजिक सञ्जालमार्फत काठमाडौँ महानगरका प्रमुख शाहले व्यङ्ग्य गर्दै आफूहरूसँग भएको एउटा मन पनि कतिपल्ट जित्नुहुन्छ भन्दै प्रधानमन्त्रीप्रति व्यङ्ग्य गरेका हुन् । २०७७ फागुनमा तत्कालीन प्रधानमन्त्री केपी शर्मा ओलीले, २०७७ चैतमा तत्कालीन राष्ट्रपति विद्यादेवी भण्डारीले, २०७९ वैशाख र मङ्सिरमा तत्कालीन खानेपानी मन्त्री उमाकान्त चौधरीले र सोमबार (आज) १ माघमा प्रधानमन्त्री पुष्पकमल दाहाल प्रचण्डले मेलम्चीको पानी उद्घाटन गरेको भन्दै व्यङ्ग्य गरेका शाहले फेसबुकमा लेखेका छन्, ‘हामीसँग भएको एउटा मन कति…

काठमाडौँ, १ माघ ।प्रधानमन्त्री पुष्पकमल दाहाल ‘प्रचण्ड’ले काठमाडौँ उपत्यकाको बढ्दो जनसङ्ख्यालाई सुरक्षित तथा दिगो खानेपानी सेवा उपलब्ध गराउन नेपाल सरकार प्रयासरत रहेको बताएका छन्।   सोमबार बिहान सिंहदरबारमा आयोजित मेलम्ची खानेपानीको पुनर्वितरण शुभारम्भ कार्यक्रमलाई सम्बोधन गर्दै प्रधानमन्त्रीले खानेपानीको दिगो व्यवस्थाका लागि दोस्रो चरणको याङग्री तथा लार्के नदी डाइभर्सनको कार्यसमेत निश्चित कार्य योजना बनाई अगाडि बढाइने बताएका हुन्।   कार्यक्रममा प्रधानमन्त्रीले काठमाडौँ उपत्यकाको जनसङ्ख्याको चापलाई मध्यनजर गरी खानेपानीको बढ्दो माग र आपूर्तिको सीमितताको विरोधाभास समाधान गर्नुपर्नेमा जोड दिए ।   प्रधानमन्त्रीले भने,  ‘‘काठमाडौँ उपत्यकाको बढ्दो जनसङ्ख्यालाई सुरक्षित तथा दिगो खानेपानी सेवा उपलब्ध गराउन नेपाल सरकार प्रयासरत छ। हाल मेलम्ची खानेपानी आयोजनाको हेडवक्र्सको निर्माणको…

जेनेभा, १ माघ । आईएमएफका प्रमुखले आर्टिफिसियल इन्टेलिजेन्सले विश्वभरको रोजगारीको सुरक्षामा खतरा निम्त्याउने बताएकी छिन ।   यद्यपि, उनले यो पनि भने कि आर्टिफिसियल इन्टेलिजेन्सले उत्पादकत्व स्तर बढाउन र विश्वव्यापी विकासलाई प्रवर्द्धन गर्न ठुलो अवसर प्रदान गर्ने भने जनाएकी छिन् ।   अन्तर्राष्ट्रिय मुद्रा कोषका प्रबन्ध निर्देशक क्रिस्टालिना जर्जिएभाले स्विट्जरल्याण्डको डाभोसमा वार्षिक विश्व आर्थिक मञ्चमा भाग लिनु अघि वाशिंगटनमा एक अन्तर्वार्तामा भनिन् कि एआईले विकसित देशहरूमा ६० प्रतिशत रोजगारीलाई असर गर्नेछ।   आईएमएफको नयाँ प्रतिवेदनलाई उद्धृत गर्दै उनले विकासोन्मुख देशहरूमा एआईको प्रभाव कम हुने अपेक्षा गरिएको छ । ‘विश्वव्यापी रूपमा करिब ४० प्रतिशत रोजगारी प्रभावित हुने सम्भावना छ,’ उनले अगाडी…