Day: July 19, 2024

श्रावण ४, काठमाडौँ । ‘प्रकृतिको मानव सेवाको भूमिकाको आधारमा नै धर्मको विकास भएको’ प्रा.डा.बद्रिविशाल पोखरेलले बताए । प्रगतिशील लेखक सङ्घको आयोजनामा भएको मार्क्सवादी दृष्टिमा धर्म र संस्कृति विषयक ७३औँ परिसंवाद कार्यक्रमको सन्दर्भमा उनले सो धारणा राखेका हुन् । श्रावण ४ गते सङ्घको बागबजारस्थित कार्यालयमा भएको कार्यक्रममा साहित्यकार पोखरेलले ‘धर्मभित्रको रुढीवाद, अन्धविश्वासलाई हटाएर मानव सेवामा क्रियाशील हुनु नै वास्तविक धर्म भएको बताए– ‘धर्मलाई नयाँ सन्दर्भ अनुसार सिर्जनात्मक तरिकाले प्रयोग गर्दै जानुपर्दछ ।’ कार्यक्रममा आफ्नो धारणा राख्नै प्रा.डा.पोखरेलले ‘अध्यात्मवाद भनेको रुढीवाद हो तर अध्यात्म भनेको मनोवैज्ञानिक कुरा हो’ उनले भने, ‘अध्यात्मवादभित्रका नकारात्मक पक्षहरूको खण्डन गर्दै तथा सकारात्मक पक्षहरूको ग्रहण गदै अगाडि बढ्नुपर्दछ…

काठमाडौँ । बङ्गलादेशमा सरकारी जागिरमा आरक्षण खारेजीको माग गर्दै भएको हिंसात्मक प्रदर्शन र झडपमा मङ्गलवारदेखि कम्तीमा सात जनाको मृत्यु भएको छ । मृत्यु हुनेमा विद्यार्थी र सर्वसाधारण रहेका छन् । यसबाहेक सयौँ मानिस घाइते भएका छन् । यो हिंसाले सिङ्गो देशलाई आक्रान्त बनाएको छ । मङ्गलवार देशभरका धेरै शैक्षिक संस्थाका विद्यार्थी सडकमा उत्रिएर प्रदर्शन र नाकाबन्दी गर्न थाले । जसका कारण ढाका बाहेक राजशाही, चटगाउँ, बागुडा लगायतका धेरै सहरमा सवारी साधन चल्न ठप्प भएको छ । राष्ट्रिय राजमार्गमा पनि यस्तै अवस्था देखिएको छ । कयौँ स्थानमा हिंसात्मक झडप भएको छ । स्थिति नियन्त्रणमा लिन प्रहरीले धेरै ठाउँमा फायरिङ गर्नुपरेको थियो…

काठमाडौँ । उपसभामुख इन्दिरा रानामगर अमेरिकी भिसा प्रकरणमा विवादमा परेकी छन् । काठमाडौँस्थित अमेरिकी दूतावासलाई आफूसहित छ जनाको भिसाको अन्तर्वार्ताको समय मिलाइदिन लेखेको पत्र सार्वजनिक भएपछि उपसभामुख राना मगर विवादमा परेकी हुन् । उपसभामुख राना मगरले सन् २०२३ फेब्रुअरी २६ मा रानाले अमेरिकाको न्यूयोर्कमा आयोजना भएको ‘एनजिओ सिएसडब्लु ६७’ कार्यक्रममा आफूसहित अन्य पाँच जना सहभागी हुन जान लागेको र व्यस्त कार्य तालिका भएकाले भिसाको अन्तर्वाताको मिति मिलाइदिन दूतावासलाई लेखेको पत्र सार्वजनिक भएपछि सामाजिक सञ्जाल र मिडियामा उनको आलोचना मात्र होइन राजीनामा दिने दबाब पनि बढेको छ । रानाले दूतावासलाई लेखेको पत्रमा आफूसहित उपेन्द्र गौतम, सुस्मा लामा, राजेश लामा तामाङ, सुजन…