04
May
लमही वैशाख २२ । कथाकार कल्पना पौडेल 'जिज्ञासु'ज्युको 'कचहरी' कथासङ्ग्रह विमर्श कार्यक्रम देउखुरी गजल अभियानको आयोजनामा लमहीमा सम्पन्न भयो । वैशाख २२ का दिन अभियानका अध्यक्ष गुरुप्रसाद कुमाल 'बुलबुल'को अध्यक्षता कार्यक्रम सम्पन्न भएको थियो । कार्यक्रममा बोल्दै लुम्बिनी वाङ्मय प्रतिष्ठान, दाङका अध्यक्ष नीमबहादुर थापाले कल्पना पौडेल 'जिज्ञासु' कचहरी कथासङ्ग्रह मार्फत सशक्त नारीवादी हस्ताक्षरका रूपमा उदाएको बताउनु भयो । कथा सङ्ग्रहमा नारी पात्रलाई एकदमै शक्तिशाली पात्रका रूपमा चित्रण गरिएको अर्का वक्ता राधा गौतमले बताउनुभयो । अहिले नेपालमा भाषा, संस्कृतिलाई खतम पार्ने काम भइरहेकोले साहित्यकारहरूले देश र समाजको हितलाई छलफल तथा लेखनको विषय बनाउनुपर्ने संविधानसभा सदस्य रश्मिराज नेपाली बताउनुभयो । साहित्यकारहरू यम…
