24
Dec
काठमाडौँ, ८ पुस । क्रिकेटर सन्दीप लामिछानेविरुद्ध मुद्दाको पेसी काठमाडौँ जिल्ला अदालतका न्यायाधीश शिशिरराज ढकालको इजलासमा तोकिएको छ । क्रिकेटर लामिछानेविरुद्ध काठमाडौँ जिल्ला अदालतमा दायर जबरजस्ती करणी मुद्दाको आइतबार अन्तिम सुनुवाइ हुन लागेको हो । गत २३ कात्तिकमा न्यायाधीश केशवप्रसाद घिमिरेको इजलासले दुवै पक्षलाई एक महिनाभित्र बहस नोट पेस गर्न आदेश दिएको थियो । यसपछि वादी र प्रतिवादी दुवै पक्षका अधिवक्ताहरूले बहस नोट बुझाइसकेका छन् । गत १५ फागुनमा सर्वोच्च अदालतले चाँडो फैसला गर्न आदेश दिए पनि विभिन्न कारणले सुनुवाइ ढिलाइ भएको थियो ।
