Day: March 1, 2024

काठमाडौँ, १८ फागुन । चितवनमा बलात्कारपछि हत्या गरिएकी शालीन पोखरेललाई न्याय दिन माग गर्दै नेपाल विद्यार्थी सङ्घले आज काठमाडौँमा प्रदर्शन गरेको छ।  संसद् भवन अगाडि बानेश्वरमा उनीहरूले दोषीलाई कडा कारबाहीको माग गर्दै प्रदर्शन गरेका हुन्। प्रदर्शनका क्रममा नेपाल प्रहरीले केही विद्यार्थी नेताहरूलाई पक्राउ समेत गरेको नेवि सङ्घका केन्द्रीय सदस्य सुनिल शर्माले जानकारी दिए। उनका अनुसार कैलालीका वासुदेव न्यौपाने, भक्तपुरका विवेक लामिछाने, सोलुखुम्बुकी पूजा फुयाँल, भक्तपुर बहुमुखी क्याम्पसका सुदीप ढुङ्गाना, मोहन कालाथोकी, पोखरा विश्वविद्यालयका सन्तोष आचार्य, मोहम्मद अफ्ताफ नेपालीलगायतलाई प्रहरीले पक्राउ गरेको हो। उनीहरूलाई तत्काल रिहा गर्न नेविसंघले माग गरेको छ। शालीनका हत्यारा र बलात्कारीलाई तत्काल पक्राउ गरी कारबाही नगर्दासम्म नेविसंघले…

काठमाडौँ । एमसीसीको विषयले नेपालको राजनीतिमा निकै बहसको विषय भएको थियो । तर अहिले एमसीसीले दिएको अभिव्यक्तिले यो नेपाल तथा नेपाली जनताविरुद्ध भएको पुष्टि भएको छ । सोही विषयलाई प्रस्ट पार्दै नेकपा(मसाल)का महामन्त्री मोहनविक्रम सिंहले एक वक्तव्य जारी गरेका छन् । वक्तव्यको पाठ यस प्रकार छ तः एमसीसी कार्यान्वयनको सन्दर्भमा ठेक्काका विषयलाई लिएर भएको विवादमा एमसीए (मिलिनियम च्यालेञ्ज एकाउन्ट)ले सर्वोच्च अदालतलाई एमसीसी सम्झौता नभएर सन्धि भएको र उक्त सन्धिको प्रावधान नेपालको संविधान र कानुनभन्दा माथि भएको उल्लेख गरेको कुरा सार्वजनिक भएका छन् । पहिले एमसीसी सम्झौताका प्रावधान नेपालको संविधान र कानुन भन्दा माथि राखिएको र त्यसबाट नेपालको सार्वभौमिकता, स्वतन्त्रता र…

 उर्लाबारी, फागुन १८ गते । पूर्वपश्चिम राजमार्गअन्तर्गत मोरङको बेलबारी सडक खण्डमा शुक्रवार बिहान भएको सवारी दुर्घटनामा परी मृत्यु हुनेको सङ्ख्या तीन पुगेको छ । इलाका प्रहरी कार्यालय बेलबारीका प्रहरी निरीक्षक तेजबहादुर दाहालका अनुसार मृत्यु हुनेहरूमा झापाको कमल गाउँपालिका २ का ५२ वर्षीय यदुकान्त भट्टराई, ४४ बर्सिया दीपा खनाल र ३६ वर्षीय कृष्ण गजुरेल छन् । त्यस्तै, दुर्घटनामा परी गम्भीर घाइते हुनुभएका हरि खनाल र गायत्री भट्टराईको विराटनगरस्थित न्युरो अस्पतालमा उपचार भइरहेको छ । बेलबारीबाट पूर्वतर्फ जाँदै गरेको मे १ ज २८५६ नम्बरको जिपलाई पूर्वबाट पश्चिमतर्फ जाँदै गरेको प्र।२–००१ ख ९६७६ नम्बरको ट्रिपरले ठक्कर दिँदा दुर्घटना भएको थियो । ट्रिपरले जिपलाई…

मस्को, १८ फागुन । राष्ट्रपति भ्लादिमिर पुटिनले पश्चिमा राष्ट्रहरूले आणविक युद्धलाई निम्ताउन खोजिरहेको आरोप लगाएका छन् । एक सम्बोधनमा रुसी राष्ट्रपति पुटिनले पश्चिमी देशहरूलाई भने कि यदि उनीहरूले युक्रेनमा लड्न सेना पठाए भने उनीहरूले आणविक युद्धलाई उक्साउने जोखिममा छन् भनेर बुझ्नु पर्नेछ । र, उनले आफ्नो सम्बोधनमार्फत यो चेतावनी पनि दिए कि मस्कोसँग पश्चिममा लक्ष्यहरू प्रहार गर्न हतियारहरू प्रशस्त मात्रामा रहेका  छन्। युक्रेनसँगको जारी युद्धले सन् १९६२ को क्युवाली मिसाइल सङ्कट पछि पश्चिमसँगको मस्कोको सम्बन्धमा सबैभन्दा खराब सङ्कट निम्त्याएको पश्चिमा सञ्चारमाध्यमले उल्लेख गर्दै आएका छन् । तर, पुटिनले त्यसको प्रतिवाद गर्ने जनाएका छन् । पुटिनले पहिले नै नेटो र रुस…

काठमाडौँ, १८ फागुन । राष्ट्रियसभा बैठक बस्दै छ । सघीय संसद् भवन, नयाँ बानेश्वरमा उक्त बैठक बस्नेछ । बैठक बिहान ११ बजे आव्हान गरिएको छ । सङ्घीय संसद् सचिवालयले सार्वजनिक गरेको सम्भावित कार्यसूची अनुसार राष्ट्रियसभा नियमावली, २०७५ ‘क’ बमोजिम लुम्बिनी प्रदेश वाट प्रतिनिधित्व गर्ने सभाका सदस्यहरूको तर्फबाट सांसद अनिता देवकोटाले ‘निर्वाचन क्षेत्र (प्रदेश) विकास निर्माण, शान्ति सुव्यवस्था लगायत कार्यहरूको अनुगमन, निरीक्षण र मुल्याङकनको प्रतिवेदन २०८०’ सभा समक्ष पेस गर्नेछिन् ।  दिगो व्यवस्थापन तथा सुशासन समितिका सभापति प्रकाश पन्थले ‘नेपालमा दिगो विकास लक्ष्य कार्यान्वयन स्थिति अध्ययन तथा मुल्याङकन प्रतिवेदन, २०८०’ सभा समक्ष पेस गर्नेछन् । विधायन व्यवस्थापन समितिका सभापति जयन्ती देवी राईले…

नयाँ दिल्ली, १८ फागुन । जताततै अनौठा कथा र कुराहरू देख्न र सुन्न पाइन्छ । भारतको उत्तर प्रदेशमा  एउटा मात्र सहर जस्तो कोलोनी छ, जुन आफ्नो नाम र कामले वरपर चर्चामा रहेको छ । अनौठो कारणले यसको नाम पनि यस्तो भएको छ । परापूर्व कालमा घरमा ज्वाइँ राख्ने चलन थियो । विवाहपछि ज्वाइँ आफ्नो ससुरा अर्थात् श्रीमतीको घरमा बस्न आउने चलन छ । जमै भनेको ज्वाइँ हो र जो आएर ससुरा घरमा बस्न थाल्छ उसलाई ज्वाइँ भनिन्छ । बागपतमा पूरै एउटा क्षेत्र रहेको छ, जसलाई ‘जमाईपुरा’ अर्थात् ‘घर ज्वाइँ बस्ने गाउँ’ भनिन्छ। यस्तै एउटा परम्परा खेक्रा सहरको जमाईपुरा बस्तीमा देख्न…