इरानका सर्वोच्च नेता खामेनी कोमामा ! छोरालाई उत्तराधिकारी तोकिएको दाबी

तेहरान, ३ मङ्सिर । इरानका सर्वोच्च नेता खामेनीले अचानक आफ्ना छोरालाई उत्तराधिकारी चुनेर सारा विश्वलाई चकित पारेका छन् ।

खामेनीले आफ्नो राजगद्दी छोरा मोज्ताबालाई सुम्पेका छन् तर प्रश्न उठिरहेको छ किन ? केही अन्तर्राष्ट्रिय समाचार संस्थाहरूले दाबी गरिरहेका छन् कि खामेनी ठिक छैनन् र हाल उनी कोमामा उपचाररत छन्।

त्यसैले खामेनीका छोरा मोज्ताबालाई इरानको सर्वोच्च नेताको कमान्ड दिइएको छ । मोजतबाले आफ्नो बुबा जीवित रहुन्जेल पदभार ग्रहण गर्न सक्ने छन्। तर, सर्वोच्चको नेतामा मोजतबा निर्वाचित हुने बारे अहिलेसम्म आधिकारिक जानकारी दिइएको छैन । यो कुरा अहिले गोप्य राखिएको छ ।

८५ वर्षीय आयातोल्लाह अलि खामेनी बिरामी भएको अन्तर्राष्ट्रिय सञ्चारमाध्यममा खबर छ । उनी गम्भीर रोगबाट पीडित छन् । त्यसैले उनले जिउँदै आफ्नो उत्तराधिकारी छानेका हुन । मोजतबा अलि खामेनीका दोस्रो छोरा हुन्।

को हुन् मोजतबा ? 

मोज्ताबा खामेनी इरानका सर्वोच्च नेता आयतोल्लाह अलि खामेनीका दोस्रो र कान्छो छोरा हुन्। उनले सन् १९८७ देखि १९८८ सम्म इरान–इराक युद्धमा भाग लिएका थिए । मोजतबाको जन्म सन् १९६९ मा मशहदमा भएको थियो । उनले स्नातक पछि धर्मशास्त्र अध्ययन गरे। यसपछि सन् १९९९ मा उनले कोममा पढेर मौलवी बनेका थिए ।

आफ्नो बुबा जस्तै उनी इस्लामिक मामिलामा जानकार छन्। सन् २००९ मा उनी इरानमा जारी विरोध प्रदर्शनलाई कडा दमनका कारण पहिलो पटक चर्चामा आएका थिए । यस प्रदर्शनमा धेरै मानिस मारिएका थिए।  अन्तर्राष्ट्रिय सञ्चारमाध्यमका अनुसार मोज्ताबा खामेनी इरानको अर्को सर्वोच्च नेता चुनिएका छन् । यो समाचार धेरै चर्चामा छ र यसले दूरगामी प्रभाव पार्न सक्छ।

कसरी निर्वाचित भए मोज्ताबा ? 
मोजतबाको चुनाव एकदमै गोप्य ढङ्गले गरिएको थियो, रिपोर्टमा इरानको एसेम्बली अफ एक्सपर्ट्सका ६० सदस्यले अलि खामेनीको मागमा बैठक बोलाएको दाबी गरिएको छ । यो बैठकमा के हो भन्ने कुरा पनि सदस्यहरूलाई थाहा थिएन । बैठकमा पुगेपछि तत्कालै गोपनीयताका आधारमा उत्तराधिकारी टुङ्गो लगाउन सदस्यहरूलाई निर्देशन दिइएको थियो । सभासद्लाई बैठक गोप्य राख्न चेतावनी दिइएको थियो । जसका कारण अहिलेसम्म यो खबर बाहिर आउन सकेको छैन ।