भारतको लोकसभा चुनावमा बामपन्थीहरुको अवस्था के छ ? 

कुनै समयमा पश्चिम बङ्गाल, केरल जस्ता राज्यहरूमा वामपन्थी शक्तिहरूको एकछत्र पकड हुने गर्दथ्यो । तर अहिले अवस्था एकदम भिन्न छ । भारतमा वामपन्थी पार्टीहरूको शक्ति एकदमै खस्कँदो अवस्थामा छ ।

 अहिलेसम्म जारी परिणाम अनुसार ५४३ सिटको लोकसभामा जम्मा ७ वटा सिटमा मात्र वामपन्थीहरूले जितेकाे अवस्था छ । िजतका सिटहरू मध्ये केरलाबाट माकपाका के राधाकृष्णनले २०,१११ को मतान्तरबाट जित हासिल गरेका छन् भने सोही पार्टीका असरा रामले राजस्थानको सिकराबाट विजय प्राप्त गरेका छन् । उनले ७२, ८९६को मतान्तरमा विजय प्राप्त गरेका हुन् । त्यस्तै माकपाले तमिलनाडुको डिंडीगुलबाट सच्चिनाथनम आर ४, ४३, ८२१को मतान्तरबाट विजय प्राप्त गरेका छन् । तमिलनाडुको मदुरईबाट सोही पार्टीका वेकटेसन एसले २,०९,४०९को मतान्तरबाट विजय भएका छन् । तमिलनाडुकै नागपत्तनमबाट भाकपाका सेल्वराज बी २,०८, ९५७को मतान्तरबाट विजय भएका छन् । त्यस्तै सोही राज्यको त्रिपुरबाट भाकपाका के सुब्बरायण १,२५,९२८ मतान्तरबाट विजय भएका छन् । बिहारको काराकाट क्षेत्रबाट भाकपा(माले)का राजाराम सिंह १,०५,८५८ को मतान्तरले िजतेका छन् । पश्चिम बङ्गालमा बामपन्थीहरुको एउटा पनि सिट जित्ने अवस्था देखिँदैन ।