अंतर्राष्ट्रीय लेनिन सेमिनार सम्पन्न

काठमान्डु, वैशाख १२ । लेनिन स्मृति शतवार्षिकीको आयोजनामा राजधानीमा अंतरराष्ट्रीय लेनिन सेमिनार सम्पन्न भएको छ। वैशाख १० र ११ गरी सेमिनार दुई दिनसम्म चलेको थियो । सेमिनारमा नेपाल, भारत, बङ्गलादेश तथा चीनका विज्ञहरूले कार्यपत्र प्रस्तुत गरेका थिए ।

पहिलो कार्यपत्र महेश मास्केले प्रस्तुत गरेका थिए । दोस्रो कार्यपत्र प्रोफेसर जीयनकुन गाओले र तेस्रो कार्यपत्र टङ्क कार्कीले प्रस्तुत गरे । कार्यपत्रमाथि क्रमशः करुणा पराजुली, मित्रलाल पङ्गेनी, झलक सुबेदी र रोशन जनकपुरीले टिप्पणी गरेका थिए ।

कार्यक्रमको अध्यक्षता निनु चापागाईँ र सञ्चालन सङ्गीतले गरेका थिए । जनगायक जीवन शर्मा र सुसेला समूहले गीत प्रस्तुत गरेका थिए भने विनोद विक्रम केसीले कविता वाचन गरेका थिए ।

कार्यपत्रमाथि दुई दर्जन सहभागीहरूले जिज्ञासा राखेका थिए ।

अंतर्रास्ट्रिय लेनिन सेमिनारको दोस्रो तथा अन्तिम दिन

सेमिनारको दोस्रो दिन बङ्गलादेशको समाजवादी मार्क्सवादीका केन्द्रीय सदस्य जयदीप भट्टाचार्जीले “ Lenin on Party organization” विषयक कार्यपत्र प्रस्तुत गरे । हरि रोकाले “Lenin and imperialismः the contemporary context”, SUCI का पॉलिट्ब्यूरो सदस्य अमिताभ चटर्जीले Lenin the fighter against revisionism in communist movement” प्रस्तुत गरे ।

त्यसपछि मजदुर बिगुलका सम्पादक तथा मार्क्सवादी लेखक अभिनव सिन्हाले “ Meaning of Lenin in 21st century” विषयको कार्यपत्र प्रस्तुत गरे । सेसनको अन्तमा “ Lenin’s contribution in the development of Marxist philosophy” विषयक कार्यपत्र  क्रान्तिकारी माअाेवादी केन्द्रका अध्यक्ष मोहन वैद्य किरणले प्रस्तुत गर्नु गरे ।

प्रस्तुत भएका कार्यपत्रमाथि क्रमशः धर्मेंद्र बास्तोला, रामराज रेग्मी, सङ्गीत, श्याम श्रेष्ठ र समीर सिंहले टिप्पणी गरेका थिए ।

कार्यक्रममा कवि बलराम तिमलसिंनाले कविता वाचन गरे भने कार्यक्रमको अवधिभरि सुशीला समूहले जोसिला गीतहरू प्रस्तुत ग़रीरहे ।

अन्तमा  अध्यक्ष निनु चापागाईँले गोष्ठीको सार्थकताको चर्चासहित कार्यक्रम सम्पन्न गरेका  थिए ।