बाग्मती प्रदेशका मुख्यमन्त्री जम्मरकट्टेलले आज विश्वासका मत लिँदै

हेटौडा, १९ चैत । बागमती प्रदेशसभाको बैठक बस्दै छ । 

सो बैठक प्रदेश सभा भवन, हेटौडामा बस्नेछ । बैठक दिउँसो १ बजेका लागि बोलाइएको छ । 

प्रदेशसभाका सभामुख भुवनकुमार पाठकले प्रदेशसभाको बैठक चैत १९ गते सोमबार दिउँसो १ बजे बस्ने जानकारी यसअघि नै दिएका हुन । उनका अनुसार आजको बैठकमा मुख्यमन्त्री सालिकराम जमरकट्टेलको विश्वासको मतसम्बन्धी प्रस्तावमा छलफल हुने छ ।

बाग्मती प्रदेश सरकारलाई दिएको समर्थन फिर्ता लिँदै नेपाली काँग्रेस सरकारबाट बाहिरिए पछि मुख्यमन्त्री जमरकट्टेले पुनः विश्वासको मत लिन लागेका हुन । 

सो प्रदेशसभामा ११० सदस्य रहेका छन् । बागमती प्रदेशसभामा सत्तापक्षबाट नेकपा एमालेको २७, नेकपा माओवादी केन्द्रका २१, एकीकृत समाजवादीका ७ र हाम्रो नेपाली पार्टीका २ सदस्य रहेका छन् भने प्रतिपक्षमा रहेका नेपाली काँग्रेसका ३७, राप्रपाका १३ र नेमकिपाको ३ सदस्य रहेका छन् ।