सन २०५० मा अमेरिकामा इसाइको सङ्ख्या दुई तिहाइ घटने, यहुदी भन्दा मुस्लिम बढी हुने

काठमाडौँ, ३ चैत । अबको तीन दशक पछि अर्थात् २०५० सम्ममा  विश्वमा क्रिश्चियन र इस्लाम धर्मावलम्बी बराबर हुने एउटा तथ्याङ्कले देखाएको  । 

प्यू रिसर्च सेन्टरको प्रतिवेदनमा धर्मका आधारमा सन् २०५० मा नियाको जनसङ्ख्या कति हुने हो, जसमा इस्लाम धर्मका बारेमा चकित पार्ने तथ्याङ्क बाहिर आएको छ ।

सो रिसर्चका अनुसार संसारको धार्मिक प्रोफाइल द्रुत गतिमा परिवर्तन हुँदै छ। यसको मुख्य कारण प्रजनन दर, युवा जनसङ्ख्याको आकारमा भिन्नता र मानिसले गरेको धर्म परिवर्तन रहेको बताइएको छ ।

जसअनुसार आगामी चार दशकहरूमा इसाईहरू सबैभन्दा ठुलो धार्मिक समूह रहनेछन् तर यस अवधिमा इस्लाम अन्य धर्महरूको तुलनामा तीव्र गतिमा बढ्नेछ। यदि अवस्था यस्तै रह्यो भने सन् २०५० सम्ममा विश्वभर मुस्लिमहरूको सङ्ख्या लगभग क्रिश्चियनको सङ्ख्या बराबर हुनेछ ।

संयुक्त राज्य अमेरिका र फ्रान्स जस्ता देशहरूमा नास्तिक, अज्ञेयवादी र कुनै पनि धर्मसँग सम्बद्ध नभएका मानिसहरूको सङ्ख्या बढ्दै गएको छ। तर, २०५० मा विश्वव्यापी बौद्ध जनसङ्ख्या लगभग २०१० मा जस्तै हुनेछ, जबकि हिन्दु र यहुदी जनसङ्ख्या आज भन्दा ठुलो हुनेछ।

संयुक्त राज्य अमेरिकामा इसाईको जनसङ्ख्या २०१० को भन्दा तीन चौथाइबाट २०५० मा दुई तिहाइमा घट्नेछ। यहुदी धर्म अब अमेरिकामा सबैभन्दा ठुलो गैर क्रिस्चियन धर्म हुने छैन। अमेरिकामा धर्मको आधारमा यहुदी भनेर चिनाउनेहरू भन्दा धेरै मुस्लिमहरू हुने देखिएको छ ।

सन २०१० र २०५० को बिचमा कुल विश्व जनसङ्ख्या ३५ प्रतिशतले बढेर ९.३ बिलियन हुने अपेक्षा गरिएको छ। यसैबिच, उच्च प्रजनन दरका कारण, मुस्लिमहरूको युवा जनसङ्ख्या अन्य धर्महरूको तुलनामा छिटो बढ्नेछ।

युरोपमा कुल जनसङ्ख्याको १० प्रतिशत मुस्लिम हुनेछन् । सन् २०५० मा भारतमा हिन्दु बाहुल्यता कायम रहनेछ तर इन्डोनेसियालाई पछाडि छोडेर विश्वको कुनै पनि देशको तुलनामा यो सबैभन्दा बढी मुस्लिम जनसङ्ख्या हुनेछ।

प्यू रिसर्चका अनुसार सन् २०५० मा विश्वका हरेक १० मध्ये चार क्रिस्चियन सब–सहारा अफ्रिकामा बस्नेछन्। यस प्यू रिसर्च सेन्टरले विश्वभर मानिसको बढ्दो जनसङ्ख्याको अनुमान गरेको हो ।