५० अर्ब रुपैयाँ बजारबाट तान्दै राष्ट्र बैङ्क

काठमाडौँ, २४ फागुन । नेपाल राष्ट्र बैङ्कले बजारबाट निक्षेप सङ्कलन उपकरणमार्फत थप ५० अर्ब रुपैयाँ तान्ने भएको छ ।

राष्ट्र बैङ्कले बजारमा अधिक तरलताको व्यवस्थापन गर्न निक्षेप सङ्कलन उपकरण जारी गर्ने भएको छ ।

उक्त निक्षेप सङ्कलन उपकरणको बोलकबोल आजै हुने केन्द्रीय बैङ्कले जनाएको छ । राष्ट्र बैङ्कका अनुसार बैङ्क तथा वित्तीय संस्थाहरूको अधिक तरलता खिच्न निक्षेप संकलनमार्फत् ५० अर्ब रुपैयाँ तान्ने भएकोले इच्छुक बैङ्क तथा वित्तीय संस्थाले आज दिउँसो ३ बजेसम्म बोलकबोलमार्फत आवेदन दिन सक्नेछन् ।

यसको ब्याजदर भने बोलकबोल बाटै निर्धारण हुनेछ ।बजारमा रहेको अधिक तरलता व्यवस्थापनका लागि राष्ट्र बैङ्कले निक्षेप सङ्कलन उपकरण प्रयोग गर्दै आएको छ । केन्द्रीय बैङ्कले १४ दिनका लागि उक्त उपकरण प्रयोग गर्न लागेको हो ।साँवा र ब्याज भुक्तानी मिति चैत ८ गते निर्धारण भएको छ ।

बैङ्क तथा वित्तीय सस्ताहरूले न्यूनतम १० करोड र अधिकतम ५ करोडले निःशेष भाग जाने गरी निष्कासित रकम बराबरको माग गर्न सक्नेछन् ।