गुगलको एआइले मोदीका बारेमा आपत्तिजनक जवाफ दिए पछि भारतले जनायो आपत्ति

नयादिल्ली, १३ फागुन । विश्वको सबैभन्दा ठुलो प्राविधिक कम्पनी गुगलले एआईलाई लिएर विवादको बिचमा लगातार चुनौतीहरूको सामना गरिरहेको छ।

गुगलले भर्खरै च्याटजिपिटीसँग प्रतिस्पर्धा गर्न आफ्नो एआई मोडेल बार्डलाई जेमिनीको रूपमा पुनः ब्रान्ड गरेको छ तर यो लगातार विवादमा परिरहेको छ। 

यसै सन्दर्भमा भारतीय प्रधानमन्त्री नरेन्द्र मोदीलाई गुगलले अब नयाँ समस्याको सामना गर्नु पर्ने भएको छ ।

जब जेमिनी एआईलाई पीएम मोदीको बारेमा सोधियो, आपत्तिजनक जवाफ दिइयो।

एक प्रयोगकर्ताले सामाजिक सञ्जालमा सो कुराकानीको स्क्रिनसट पोस्ट गरे, त्यसपछि यो पोस्ट भाइरल भयो, जसले भारतका इलेकट्रोनिक्स र आइटी राज्यमन्त्री राजीव चन्द्रशेखरको ध्यान पनि खिच्न पुग्यो । 

त्यसपछि सम्बन्धित पोस्ट सेयर गर्दै मन्त्री चन्द्रशेखरले उक्त मामिलामा गुगल एआईको आपत्तिजनक प्रतिक्रियामा धेरै कानुन उल्लङ्घन भएको बताए । उनले लेखेका छन्, ‘यो आइटी ऐनको मध्यस्थ नियमको नियम ३.१. (बी) को सीधै उल्लङ्घन हो र फौजदारी संहिताका धेरै प्रावधानहरू पनि उल्लङ्घन भएको छ। 

इन्डियन एक्सप्रेसको एक रिपोर्टको अनुसार आइटी मन्त्रालयले प्रधानमन्त्री मोदीको विवादास्पद जवाफको बारेमा गुगललाई नोटिस पठाउन लागेको छ र मन्त्रालयले सूचना पठाउने प्रक्रियामा लागि परेको छ ।

उक्त पोस्ट भाइरल भएपछि प्रयोगकर्ताहरूले गुगलको एआई पक्षपाती भएको आरोप लगाएका छन्। वास्तवमा, जेमिनी एआईलाई पीएम मोदी, पूर्व अमेरिकी राष्ट्रपति डोनाल्ड ट्रम्प र युक्रेनी राष्ट्रपति भोलोडिमिर जेलेन्स्कीको बारेमा एउटै प्रश्न सोधिएको थियो तर मोदीको सवालमा भने एआईले फरक तरिकाले जवाफ दिए।

ट्रम्प र युक्रेनको मामलामा जेमिनीले सीधा जवाफ दिनबाट जोगिन र कूटनीतिक अडान अपनाए र गुगल सर्च गर्न सुझाव दिए जबकि पीएम मोदीको मामलामा जेमिनीको जवाफ सीधा थियो। यसका आधारमा प्रयोगकर्ताहरूले गुगलको एआईले अमेरिका र यसका सहयोगी राष्ट्रहरूका लागि फरक र अन्य देशहरूको लागि फरक दृष्टिकोण अपनाइ रहेको बताएका छन् ।