युएईमा विशाल हिन्दु मन्दिर निर्माण, आज मोदीले उद्घाटन गर्ने

दुबई, २ फागुन । संयुक्त अरब इमिरेटसमा बनेका हिन्दु मन्दिरको १४ फरवरीमा भारतको पीएम नरेन्द्र मोदी उद्घाटन गर्ने भएका छन् । 

सो मन्दिर निर्माण संस्था बिएपीएसले आफ्नो आधिकारिक ट्विटर ह्यान्डलबाट भिडियो सेयर गरेको छ। जहाँ यस भिडियोमा मन्दिरको निर्माण कसरी भयो ? भनेर देखाउने प्रयास गरिएको छ ।

मन्दिर निर्माण गर्ने बापिएस स्वामी नारायण संस्थाले हिन्दु मन्दिरको निर्माण निकै तीव्र गतिमा भएको बताएको छ । कोभिडको समयमा मन्दिर प्रशासनले युएई र भारतबाट अरब इमिरेट्समा धेरै मानिसहरूलाई मद्दत गरेको थियो ।  मन्दिरको निर्माण सम्पन्न हुनुअघि नै चाडपर्वमा हजारौँ मानिस मन्दिर परिसरमा भेला हुन थालिसकेका छन् ।

अरब इमिरेट्समा करिब ७०० करोडको लागतमा गुलाबी बालुवा र सेतो सङ्गमरमरले हिन्दु मन्दिर निर्माण गरिएको छ । भारतीय प्रधानमन्त्री नरेन्द्र मोदीले यो मन्दिरको उद्घाटन १४ फेब्रुअरीमा गर्ने छन् । उद्घाटन अघि मन्दिरमा विभिन्न अनुष्ठान गरिने छ ।

यो मन्दिर सुरुमा अरब इमिरेट्सको अबु मुरिखा क्षेत्रमा ५.४ हेक्टर जमिनमा बनाइएको थियो । मन्दिर परिसरलाई पछि सामुदायिक हल र पार्किङ क्षेत्रहरू समावेश गर्न १० हेक्टरमा विस्तार गरिएको थियो। मन्दिरमा स्थापित सबै मूर्तिहरू हातले बनाएर कोरिएका छन्।

एक समाचार अनुसार मन्दिर निर्माण गर्ने बिएपिएस स्वामी नारायण संस्थाका अन्तर्राष्ट्रिय सम्बन्ध प्रमुख स्वामी ब्रह्मविहारीदासले भने, ‘सद्भाव र सहिष्णुता युएईको आत्मा हो।’ उनका अनुसार सो मन्दिरले दुई देशबिच शान्ति प्रवर्द्धन गर्ने बताए । यो युएई र भारत बिचको घनिष्ठ सम्बन्धको प्रतीक पनि हुने उनको भनाइ छ ।

यस मन्दिरको शिलान्यास सन् २०१८ मा प्रधानमन्त्री नरेन्द्र मोदीले गरेका थिए, अब उनले नै यस मन्दिरको उद्घाटन पनि गर्नेछन् । सो हिन्दु मन्दिरको उचाइ १०८ फिट रहेको बताइएको छ । मन्दिरमा ४० हजार घन मिटर सङ्गमरमर र १ लाख ८० हजार घन मिटर बालुवा ढुङ्गा प्रयोग गरिएको छ । मन्दिर वैदिक वास्तुकलाको आधारमा डिजाइन गरिएको हो।

खाडी देशमा पनि सुरु देखी नै थिए हिन्दु मन्दिरहरू

भारतीय प्रधानमन्त्री नरेन्द्र मोदी अहिले संयुक्त अरब इमिरेट्सको भ्रमणमा छन् । उनले यही फागुन १४ गते मन्दिरको उद्घाटन गर्न लागेका हुन् । प्रधानमन्त्री मोदीले उद्घाटन गर्न लागेको मन्दिरको नाम बोचासनवासी श्री अक्षर पुरुषोत्तम स्वामीनारायण संस्था (बिएपिएस) हिन्दु मन्दिर हो। यो हिन्दु मन्दिर दुबईको अबु धाबी शेख जायद राजमार्गमा रहेको अल रहबा नजिकै बनेको छ।

यो मन्दिर २७ एकड जग्गामा बनेको छ । सबैभन्दा विशेष कुरा यो हो कि यस मन्दिरको लागि जग्गा संयुक्त अरब इमिरेट्स सरकारले दान गरेको हो । बिएपिएसलाइ हिन्दु मन्दिर बनाउन करिब ५ वर्ष लाग्यो । यसको निर्माण कार्य सन् २०१९ मा सुरु भएको थियो । त्यही क्रममा प्रधानमन्त्री मोदीले मन्दिरको शिलान्यास गरेका थिए ।

यो युएईको पहिलो हिन्दु मन्दिर हो भन्ने होइन । दुबईमा जम्मा ३ वटा हिन्दु मन्दिर छन् । तर, बिएपिएसको मन्दिरले अहिले खाडी क्षेत्रको सबैभन्दा ठुलो मन्दिरको हैसियत प्राप्त गरेको छ। तपाईँलाई यो थाहा पाउँदा छक्क पर्नुहुनेछ कि यो मन्दिर बनाउन करिब ७०० करोड रुपैयाँ खर्च भएको छ ।

जसअनुसार मनामामा रहेको श्रीनाथजीको मन्दिर १०० वर्ष पुरानो मानिएको छ । श्रीनाथजी मन्दिर बहराइनको राजधानी मनामामा रहेको प्रमुख हिन्दु मन्दिरहरू मध्ये एक हो। यो मन्दिर सन् १८१७ मा थाटाई हिन्दु समुदायले बनाएका थिए । तर, देश स्वतन्त्र भएपछि यी मानिसहरूले सिन्ध छोडे।

श्रीनाथ जीको मन्दिर थट्टाई भाटिया समुदायले बनाएका हुन् । यी समुदायका मानिसहरू पहिले भारतमा बसोबास गर्थे तर स्वतन्त्रता पछि तिनीहरू पाकिस्तानको सिन्धमा बसोबास गर्न थालेको जनाइएको छ ।

बहराइन साउदी अरेबियाको छिमेकी देश हो । बहराइन साउदी अरेबियाको पूर्वमा अवस्थित एउटा सानो देश हो। यसको कुल क्षेत्रफल २९३ वर्ग माइल (७६० वर्ग किमी) छ। बहराइन धेरै साना टापुहरूमा फैलिएको छ। यहाँ धेरैजसो मरुभूमि मैदानहरू छन्।

ओमानको राजधानी मस्कटमा पनि २ वटा हिन्दु मन्दिरहरू छन्। मोतीश्वर मन्दिर पुरानो मस्कटको मुत्राह क्षेत्रमा अवस्थित भगवान् सङ्करको मन्दिर हो। यो करिब १२५ वर्ष पुरानो मन्दिर रहेको बताइएको छ । दोस्रो मोतीश्वर मन्दिर मध्य पूर्वको सबैभन्दा पुरानो हिन्दु मन्दिरहरू मध्ये एक हो। यो लगभग १५० वर्ष पुरानो हो। यो गुजराती हिन्दुहरूले बनाएका थिए।