वामपन्थी लेखकहरू एकजुट हुँदै, घिमिरेको नेतृत्वमा १७ सदस्य निर्वाचित

विशाल बस्नेत/ न्युज कारखाना

महोत्तरी, २८ माघ । प्रगतिशील लेखक सङ्घ मधेस प्रदेशको अधिवेशनमा वामपन्थी लेखकहरूले बाम धुर्विकरणको सुरुवात गरेका छन् ।

वामपन्थी विचारकहरू छिन्नभिन्न भइरहेको अवस्थामा मदेसबाट एकीकृत भएका वामपन्थी लेखकहरूको यो अधिवेशनले कम्युनिष्टहरुलाई जोडन महत्त्वपूर्ण कोशेढुंगा साबित हुने विश्वास गरिएको छ ।

लेखक सङ्घ मधेस प्रदेशका अध्यक्ष वालमुकुन्द कार्कीको अध्यक्षतामा भएको खुल्ला सत्रमा सहभागी वक्ताहरूले परिवर्तनको लागी कम्युनिस्ट धुर्विकरणको विकल्प नभएको बताए ।

कम्युनिस्ट घटकहरूलाई एक ठाउँमा जोडने उद्देश्यले नै प्राज्ञिक प्रगतिशील लेखकहरू एक ठाउँमा जोडिएको बताउँदै केन्द्रीय उपसचिव डा. देवी दुलालले यसको सुरुवात देशव्यापी भइरहेको जानकारी  दिए ।

यस क्रममा उक्त अधिवेशनले विभिन्न पाटीमा सग्लन वामपन्थी विचारकहरूको प्रतिनिधित्व हुने गरी नारायण घिमिरेको नेतृत्वमा १७ सदस्य निर्वाचित गरेको छ ।

समितिको उपाध्यक्षमा धनुषाबाट किरण झा, रुद्र सेन विश्वकर्मा, सचिव भीम कुमार राउत, सहसचिव मिना देवकोटा, कोषाध्यक्ष फुलगेन मगही चयन भएका छन् ।

सदस्यहरूमा भैरव प्रसाद गेलाल, चन्द्रमणि पौडेल, मुरलीप्रसाद यादव, मुकुन्द पौडेल, विजय रिजाल, जीवसी उदासी लगायत सबै सदस्य तथा पदाधिकारी सर्वसम्मत नै चयन गरिएको प्रगतिशील लेखक सङ्घले जनाएको छ ।

मधेसका ८ वटै जिल्लाबाट दुई दुई जना रहने गरी समिति गठन भएको छ । नवनिर्वाचित अध्यक्ष घिमिरेले मधेसमा प्रगतिशील लेखक सङ्घको भूमिका सशक्त बन्ने र वाम घटकहरूलाई लेखनको ।माध्यमबाट एकै ठाउँमा जोडिन सन्देश प्रवाह गर्ने बताए ।