जोर्डनलाई हराउँदै कतारले जित्यो एसियन कपको उपाधि

काठमाडौँ, २७ माघ । कतारले लगातार दोस्रो पटक एसियन कपको उपाधि जितेको छ।

शनिवार राति सम्पन्न फाइनल खेलमा जोर्डनलाई ३-१ गोल अन्तरले पराजित गर्दै कतारको एसियन कपको उपाधि जितेको हो।

कतारको जितमा अक्रम अफिफले ह्याट्रिक गरेका थिए। उनले तिनै गोल पेनाल्टीबाट गरेका थिए । त्यसै गरी जोर्डनका लागि एक गोल यजन अल नैमतले गरेका थिए।

यस अघि २०१९ मा पहिलो पटक विजेता बनेको कतारले लगातार दोस्रो पटक उपाधि जितेको हो। कतार लगातार दोस्रो पटक एसियन कप जित्ने चौथो देश बनेको छ।

यस अघि साउदी अरेबियाले १९८४ र १९८८ मा, इरानले १९६८ र १९७२ मा तथा दक्षिण कोरियाले १९५६ र १९६० मा एसियन कप जितेको थियो।

योसँगै पहिलो पटक फाइनलमा पुगेको जोर्डन उपविजेता बनेको छ।