कलङ्की नापीका सर्वेक्षकसहित दुई जना एक लाख घुससहित पक्राउ

काठमाडौँ, २४ माघ । नापी कार्यालय, कलङ्कीका सर्वेक्षक र लेखापढी व्यवसायी एक लाख घुससहित पक्राउ परेका छन्। 

अख्तियार दुरुपयोग अनुसन्धान आयोगले सर्वेक्षक लक्ष्मीप्रसाद चौलागाईं र लेखापढी व्यवसायी नेत्रमणि पोखरेललाई बुधवार नापी कार्यालयबाटै घुस रकमसहित पक्राउ गरेको हो। 

चौलागाईंसँग ४५ हजार र पोखरेलसँग ५५ हजार घुस रकम बरामद भएको आयोगले जनाएको छ। जग्गा हालसाबिक र कित्ताकाट गरी पुर्जा उपलब्ध गराइदिने भन्दै उनीहरूले घुस लिएका थिए।