आफ्नो प्रेमीका बच्चालाई स्क्रू र ब्याट्री खुवाएर हत्या गरिएको घटनाले अमेरिकामा सनसनी

न्युयाेर्क १ माघ । अमेरिकी राज्य पेन्सिलभेनियामा एक महिलाले आफ्नो प्रेमीकी छोरीलाई ब्याट्री, स्क्रू र नेल पालिस रिमूभर खुवाएर हत्या गरेको आरोप लागेको छ ।

न्यूयोर्क पोस्टका अनुसार एलिसिया ओवेन्सलाई गत वर्ष जुनमा आइरिस रिटा अल्फेराको सन्दिग्ध हत्याको आरोपमा गत बिहीबार मात्रै पक्राउ गरिएको थियो। पोस्टमार्टमले बालिकाको मृत्यु रगतमा एसिटोनको घातक स्तरका कारण भएको खुलासा गरे पछि एलिसियाको गिरफ्तारी भएको हो।

समाचार अनुसार हत्या गर्नुअघि २० बर्सिया महिलाले बच्चामा कुन–कुन वस्तुले हानिकारक प्रभाव पार्न सक्छ भन्ने विषयमा अनुसन्धान गरेकी थिइन । पेन्सिलभेनियाका महान्यायाधिवक्ता मिशेल हेनरीले भने, ‘यस मुद्दाको विवरण हृदय विदारक छ। पूर्ण रूपमा असहाय बच्चालाई हानि पुर्‍याउन कसैले कसरी कदम चाल्न सक्छ भनेर बुझ्न गाह्रो छ।’

फेरि अन्वेषकहरूलाई बहकाउने अनुसन्धानले देखाउँछ कि कुन पदार्थले बच्चाहरूलाई हानि गर्छ र कसरी असर गर्छ ? भनेर पत्ता लगाउन महिनौँसम्म गहन अनुसन्धान गरिएको थियो। त्यसपछि कथित रूपमा यी पदार्थहरू बच्चालाई दिइएको थियो।

जुन २५, २०२३ मा आइरिसका बुबा घरबाहिर हुँदा उनलाई फोन आयो। जसमा आइरिसको स्वास्थ्य बिग्रँदै गएको बताइएको छ । त्यसको लगत्तै १८ महिनाकी बालिकालाई उपचारका लागि न्यु क्यासस्थित युपीएमसी जेम्सन अस्पताल लगिएको थियो । यद्यपि, बालिकालाई पछि पिट्सबर्गको बाल अस्पतालमा लगियो। तर चार दिनपछि आइरिसको मृत्यु भयो।

एलिसिया ओवेन्सले अनुसन्धानको क्रममा पुलिसलाई बहकाउने प्रयास गरेकी थिइन तर एलिसियाको फोनमा चेक गर्दा फेब्रुअरी २०२३ र जुन २०२३ को बिचमा उनले बालबालिकाको मृत्यु हुनसक्ने घरायसी उत्पादनको बारेमा जानकारी खोजेको पत्ता लागेको थियो ।