सत्ता गठबन्धनले टुङ्ग्यायो राष्ट्रिय सभा सदस्यको भागबन्डा, दलहरू बैठकमा व्यस्त

काठमाडौँ, २२ पुस । राष्ट्रिय सभा सदस्यको सिट बाँडफाँट टुङ्ग्याएपछि दलहरू आन्तरिक छलफलमा व्यस्त रहेका छन् । गठबन्धनमा भागबन्डा मिलेपछि उम्मेदवार टुङ्ग्याउन दलहरू आ–आफ्ना बैठकमा जुटेका छन् ।

१९ पदका निम्ति गठबन्धनमा भागबन्डा भएको हो । जसअनुसार  काँग्रेसले १०, माओवादी केन्द्रले ६, एकीकृत समाजवादीले दुई र जनता समाजवादी पार्टी (जसपा)ले एक सिट पाएका छन् ।

भागबन्डा मिलेसँगै उम्मेदवार हुने व्यक्तिको नाम टुङ्ग्याउन दलहरूले बैठक राखेका छन् ।

आगामी ११ माघमा हुने राष्ट्रियसभा सदस्य निर्वाचनका लागि २३ पुसमा उम्मेदवारी मनोनयनको कार्य तालिका छ ।