Gyaan Ghar

Home

Advertisement

इन्जिनियरिङका विद्यार्थी विदेश जानु पर्दैन, नेपालमै राम्रो स्कोप छ: विज्ञ

भक्तपुर, २२ पुस । विज्ञहरूले इन्जिनियरिङका विद्यार्थीका लागि स्वदेशमै राम्रो स्कोप रहेको अनुभव सुनाएका छन् ।

 

उनीहरूले अरू विषयका विद्यार्थी विदेश गए पनि इन्जिनियरिङका विद्यार्थीका लागि त्यो आवश्यक नभएको अनुभव साटे । उनीहरूले इन्जिनियरिङका विद्यार्थीले यही नै राम्रो काम र दाम पाउने बताए । त्यस कारण विदेश नजान उनीहरूले अनुरोधसमेत गरेका छन् ।

 

नेपाल इन्जिनियरिङ कलेज (नेक) दुवाकोट चाँगुनारायण भक्तपुरबाट सिभिल इन्जिनियरिङ र सिभिल एन्ड रुलर इन्जिनियरिङको पढाई पूरा गरेका विद्यार्थीको बिदाइ कार्यक्रममा उनीहरूले हरेक हिसाबले इन्जिनियरिङका विद्यार्थीलाई नेपालमै राम्रो रहेको सुनाए ।

पोखरा विश्वविद्यालय विज्ञान तथा प्रविधि संकायका डिन डा राजेश ठकुराठीले मेहनतका साथ काम गरे इन्जिनियरहरूलाई नेपालमै राम्रो रहेको बताए । इन्जिनियरिङका विद्यार्थीलाई विदेश नै गएर काम गर्नुपर्छ भन्ने नभएको भन्दै उनले नेपालमै पनि राम्ररी काम गरेर बसेका धेरै इन्जिनियरहरू रहेको जानकारी गराए ।

 

नेपाल इन्जिनियरिङ परिषद्का उपाध्यक्ष डा विकास अधिकारीले नेपाली इन्जिनियरहरूलाई नेपालमै प्रशस्त सम्भावना भएको सुनाए । ‘तपाईँहरू विदेश जानु पर्दैन कोही पनि, नेपालमै धेरै स्कोपहरू छन्’ उनले भने, ‘अव नेपालमै ठूल्ठूला प्रोजेक्टहरू सञ्चालन गर्नुपर्ने र त्यसमा हजरौ इन्जिनियरहरू आवश्यक रहेको छ ।’ नेपालमा अहिले लर्निगसँंगै अर्निगको वातावरण हुनुपर्नेमा जोड दिए । यसका लागि करिकलमलाई नै परिवर्तन गर्नु आवश्यक रहेको भनाई राखे । साथै चारपाँंच वर्षे इन्जिनियरिङको लामो कोर्स दुई तीन वर्षमै सीमित गर्नुपर्ने आवश्यकता उनले औँल्याए ।

 

कलेजका कार्यवाहक प्राचार्य दुर्गाप्रसाद भण्डारीले कलेजबाट बिदा भएका विद्यार्थीहरूलाई इमानदारिताका साथ काम गर्न निर्देशन दिए । उत्पादित विद्यार्थी नै कलेजको वास्तविक ब्रान्ड एम्वेसडर भएको भन्दै उनले आचारसंहितामा रहेर काम गर्न निर्देशन दिए । साथै उनले बिदाइ भई गएका विद्यार्थीबाट भालिका दिनमा पनि कलेजका लागि सल्लाह, सुझाव, सहयोग पाइरहने विश्वास व्यक्त गरे ।

कलेजमा सिभिलमा एक सय ४४ र सिभिल एन्ड रुलर इन्जिनियरिङमा ४८ कोटा छन् । यी सबै कोटाहरूमा यहाँ पूर्ण विद्यार्थी हुन्छन् ।

परिषद्को तथ्याङ्क अनुसार परिषद्मा देशभर ७८ हजार इन्जिनियरहरू छन् । तीमध्ये आधी भन्दा बढी इन्जिनियरहरू विदेशमा रहेको अनुमान छ । देशभरबाट वर्षमा आठ हजारको हाराहारीमा इन्निनियरहरु उत्पादन हुने तथ्याङ्क छ । नेकमा विभिन्न सङ्कायहरूमा पूर्ण सिटका साथ पढाई भइरहेका हुन्छन् ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

प्रतिक्रिया दिनुहोस

राजनीति

हिन्दु राष्ट्रको मागसहित १ हजार ६१ जनाको हस्ताक्षर काँग्रेस सभापति देउवालाई बुझाइयो

हिन्दु राष्ट्रको मागसहित १ हजार ६१ जनाको हस्ताक्षर काँग्रेस सभापति देउवालाई बुझाइयो

काठमाडौँ, १० फागुन । नेपाली काँग्रेसका सभापति शेरबहादुर देउवालाई हिन्दु राष्ट्रको मागसहित १ हजार ६१ जनाको हस्ताक्षर ब...
संसद्मा प्रधानमन्त्रीलाई फटाहा भनेपछि…

संसद्मा प्रधानमन्त्रीलाई फटाहा भनेपछि…

काठमाडौँ, १० फागुन । प्रतिनिधिसभाको बैठकमा प्रधानमन्त्री पुष्पकमल दाहाल प्रचण्डलाई ‘फटाहा’ भनेपछि सत्तारुढ दलका सांसद...
अफ्रिकामा फेला परे २०० खुट्टा भएका नयाँ प्रजाति

अफ्रिकामा फेला परे २०० खुट्टा भएका नयाँ प्रजाति

काठमाडौँ, १० फागुन । पृथ्वीमा अझै पनि केही प्रजातिहरू छन्, जुन वैज्ञानिकहरूको नजरबाट लुकेका छन्।  यसैबिच, अस्ट्रेल...
वाफ च्याम्पियनसिपमा आज नेपालले इराकको सामना गर्दै

वाफ च्याम्पियनसिपमा आज नेपालले इराकको सामना गर्दै

काठमाडौँ, १० फागुन । नेपालले साउदी अरेबियामा जारी पश्चिम एसिया फुटबल एसोसिएसन (वाफ) च्याम्पियनसिपमा आज दोस्रो खेल खेल...
Home
ताजा अपडेट
ट्रेन्डिङ
Search