फिफा वर्ष खेलाडीका लागि मेसी, एम्बाप्पे र हालाण्ड मध्ये कसले मार्ला बाजी ?

काठमाडौँ, ३०  मङ्सिर । फिफाको यस वर्षको उत्कृष्ट खेलाडी ‘द वेस्ट’ को अन्तिम मनोनयनमा परेका तीन खेलाडीको नाम सार्वजनिक गरिए पछि कसले बाजी मार्ला भनेर कौतुहलता बढेको छ ।

फिफाको अन्तिम तीनमा  इर्लिंग हालाण्ड, किलीयन एम्बाप्पे र लियोनेल मेसी परे पछि धेरैले मेस्सीकाे सम्भावना देखाएका छन् । कारण, उनले गत वर्षको विश्वकप जिताउन ठुलो भूमिका खेलका थिए ।,

फिफाले हरेक वर्ष प्रदान गर्ने द वेस्टको उपाधि यस वर्ष आगामी जनवरी १५ मा प्रदान गर्दछ । फिफाले १९ डिसेम्बर २०२२ देखि २० अगस्त २०२३ सम्मको प्रदर्शनलाई आधार बनाएर हरेक वर्ष यो अवार्ड प्रदान गर्ने गर्दछ ।

सुरुमा यस अवार्डका लागि १२ खेलाडी छनौट गरिएकोमा राष्ट्रिय टिमका कोच, कप्तान र फुटबल पत्रकार र फ्यानहरूको मतको आधारमा अन्तिम तीन खेलाडी छानिएको फिफाले जनाइसकेको छ । जसअनुसार यस अवधिमा हालाण्डले ३३ खेलमा २८ गोल गरेका थिए । उनले युरोपियन गोल्डेन बुट जितेका थिए भने प्रिमियर लिगको गोल्डेन बुट समेत जित्ने खेलाडी हुन । हालाण्डले म्यानचेस्टर सिटीलाई च्याम्पियनसिप लिग, प्रिमियर लिग र एफए कप जिताए पछि उनको दाबीलाई कमजोर ठानिएको छैन ।

लियन एम्बाप्पेले पिसजीलाई लिग वानको उपाधि जिताउन महत्त्वपूर्ण भूमिका खेलेका थिए भने फ्रान्सलाई फिफा विश्वकपको फाइनलमा पुर्याएकाे भनेर मनोनीत गरिएको जनाउँदै आइएको छ ।

त्यस्तै २०२२ को द वेस्ट अवार्डसमेत जितेका मेसीले यस अवधिमा अर्जेन्टिनालाई विश्वकपको उपाधि जिताएका थिए । उनी फिफा द वेस्ट अवार्डका प्रमुख दाबेदार मानिएका छन् ।