Gyaan Ghar

Home

Advertisement

नयाँबजारमा रक्तदान कार्यक्रम सम्पन्न

काठमाडौँ, मङ्सिर २३ ।  रक्तदान जीवनदान, रक्तदान महादान भन्ने मूल नाराका साथ राजधानीको नयाँबजारमा रक्तदान कार्यक्रम सम्पन्न भएको छ । ज्ञानशाला अनुसन्धान केन्द्र र ‘हलिं नेवाः दबू, नेपाः देय् मूकवः’ मुख्य आयोजक रहेको खुल्ला रक्तदान कार्यक्रम, मङ्सिर २३ गतेका दिन नयाँबजार, खुसिबुँस्थित ज्ञानशालाको कार्यालय उत्तमचोकमा सम्पन्न भएको हो ।

४३ जना स्थानीय व्यक्तित्वहरू, विद्यार्थी एवं शिक्षकबाट रक्तदान भएको कार्यक्रमको प्रमुख अतिथि काठमाडौँ क्षेत्र नं.७का सांसद गणेश पराजुली थिए । ज्ञानशाला अनुसन्धान केन्द्रका अध्यक्ष भोलानाथ ढकालको अध्यक्षतामा भएको रक्तदान कार्यक्रमको स्वागत तथा सहजीकरण उत्तम कुमार श्रेष्ठले गरेका थिए ।

प्रमुख अतिथि गणेश पराजुलीले आफूसँग पनि रक्तदानको अनुभव भएको र यस्तो कार्यले मान्छेको ज्यान बनाउनाका साथै रक्तदानसम्बन्धी चेतना पनि जागृत भएकोले आफू पनि यस्तो कार्यमा लाग्ने र लाग्न प्रेरित गर्दै आएको बताउनुभयो । रक्तदान अघिको औपचारिक कार्यक्रमलाई समापन गर्ने क्रममा केन्द्रका अध्यक्ष ढकालले ज्ञानशालाले ज्ञानका कुरा गर्नु त छँदै छ, यसले समाज र मानवताको पनि कुरा गर्ने भएकोले रक्तदान कार्यक्रमको आयोजनामार्फत मानव र समुदायसँग थप जोडिन चाहेको बताउनुभयो । दबूका अध्यक्ष सुरेन्द्रभक्त श्रेष्ठले ज्ञानशालासँगको सहकार्यमा रक्तदान कार्यक्रमको आयोजना गर्न पाएकोमा खुसी व्यक्त गर्दै भोलिका दिनमा पनि आपसी सहयोग र सहकार्य जारी रहने बताउनुभयो ।

कार्यक्रममा वर्ल्ड नेवा ओरगनाइजेसनका अध्यक्ष सुरेन्द्रभक्त श्रेष्ठ र आरबी ठकुरीले मन्तव्य समेत राखेका थिए ।

रक्तदान कार्यक्रमको व्यवस्थापन रेडक्रस काठमाडौँ शाखासहित अन्य स्थानीय क्लबहरूले गरेका थिए । सो कार्यक्रममा ब्लोदान, काठमाडौँ मध्य क्षेत्रको सहकार्य रहेको थियो ।

विभिन्न अनुसन्धान मुलुक पुस्तक, लेख, अनलाइन पत्रिका तथा समसामयिक विषयमा बहस चलाउँदै आएको ज्ञानशाला अनुसन्धान केन्द्रले रक्तदान कार्यक्रमको आयोजना गरेर आफूलाई सामाजिक रूपमा पनि उभ्याउने प्रयास गरेको भन्दै सहभागीहरूले आयोजकप्रति धन्यवाद ज्ञापन गरेका थिए ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

प्रतिक्रिया दिनुहोस

राजनीति

स्कटल्यान्डमाथि अस्ट्रेलियाको सहज जित, इङल्याण्ड सुपर आठमा

स्कटल्यान्डमाथि अस्ट्रेलियाको सहज जित, इङल्याण्ड सुपर आठमा

काठमाडौँ । अस्ट्रेलियाले स्कटल्याण्डलाई पराजित गरेसँगै इङल्याण्ड जारी टी-२० विश्वकपको सुपर आठमा पुगेको छ । आइतबार सम्प...
काठमाडौंका यी स्थानमा दैनिक ४ घण्टा विद्युत् अवरुद्ध हुने

काठमाडौंका यी स्थानमा दैनिक ४ घण्टा विद्युत् अवरुद्ध हुने

काठमाडौँ । काठमाडौँका विभिन्न स्थानमा आइतबारदेखि सात दिनसम्म बिजुली अवरुद्ध हुने भएको छ। विद्युत् प्राधिकरणअन्तर्गतको काठ...
अन्पाको छैठौ साहित्यिक पदयात्रा सम्पन्न

अन्पाको छैठौ साहित्यिक पदयात्रा सम्पन्न

काठमाडौँ, असार २ । प्रकृतिसँग रमाउँदै साहित्यिक पदयात्रालाई निरन्तरता दिँदै आएको अखिल नेपाल प्रगतिशील लेखक सङ्घ(अन्पा)को छैठौ...
राष्ट्रिय परिचय पत्रका लागि टाइम कार्डअनुसार आउन काठमाडौँ प्रशासनको आग्रह

राष्ट्रिय परिचय पत्रका लागि टाइम कार्डअनुसार आउन काठमाडौँ प्रशासनको आग्रह

काठमाडौँ । जिल्ला प्रशासन कार्यालय, काठमाडौँले राष्ट्रिय परिचय पत्रको विवरण दर्ता गर्न टाइम कार्ड अनुसार आउन अनुरोध गरेको छ ।...
Home
ताजा अपडेट
ट्रेन्डिङ
Search