Gyaan Ghar

Home

Advertisement

पुराना कम्युनिस्ट नेता मेघराज आचार्यको निधन

काठमाडौँ । वि.सं.२०१४ सालमा मोहनविक्रम सिंहबाट कम्युनिस्ट पार्टीको  सदस्यता प्राप्त गरेका पुराना, इमानदार तथा जनप्रेमी नेता मेघराज आचार्यको कार्तिक ४ गतेका दिन बिहान १ बजेर ४० मिनेटमा निधन भएको छ ।  मुटु , पायल्स र प्रोस्टेट रोगबाट पीडित उनी लामो समयदेखिदेखि टीचिग अस्पतालमा भर्ना भएका थिए ।

नेकपा(माओवादी केन्द्र) का नेता जनार्दन शर्माले कम्युनिस्ट पार्टीको झन्डा ओढाएर नेता आचार्यप्रति श्रद्धाञ्जली प्रकट गरेका थिए । नेता आचार्यलाई सूचना तथा प्रसारण मन्त्री रेखा शर्मा लगायत अग्रज व्यक्तित्व तथा परिवारजनबाट श्रद्धाञ्जली व्यक्त गरिएको थियो । श्रद्धाञ्जली प्रकट गर्दै राष्ट्रिय जनमोर्चाका नेता हरि आचार्यले दिवङ्गत नेता आचार्यको मृत्यु पहाड भन्दा पनि गर्हुंगो भएको बताए ।

 

वि.सं.१९९६ साल असार ८ गते प्युठानको तिघ्रामा जन्मिएका नेता आचार्य, कम्युनिस्ट पार्टीको दोस्रो महाधिवेशन कालदेखि नै कम्युनिस्ट आन्दोलनमा भूमिका निर्वाह गर्दै आएका थिए  । बनारसमा भएको चौथो महाधिवेशनमा नेता आचार्य, आमन्त्रित केन्द्रीय सदस्यमा समेत चुनिएका थिए  ।

भूमिगत कालमा नेता आचार्य, कैलाली जिल्लामा सङ्गठन बिस्तार तथा आन्दोलनमा सक्रिय थिए  । उनी ‘कैलाली जिल्लाको पार्टी सेक्रेटरी भई क्रियाशील भएको’ नेता कृष्ण भट्टराईले बताए ।  । कम्युनिस्ट नेताहरू मोहन वैद्य, चित्रबहादुर के.सी., लीलामणि पोख्रेल लगायतका नेताहरूको उनको कैलाली पुछरीमा रहेको घरमा वासस्थान हुने गर्दथ्यो । २०४२ सालको बम काण्डको बेला उनी ९ महिना प्रहरी हिरासतमा बस्दा मुटुको बिरामी भैसकेको अवस्था थियो  ।

बनारसबाट आइएस्सीसम्म अध्ययन गरेका नेता आचार्यले संस्कृत र व्याकरणमा आचार्य गरेका थिए । उनले प्युठानको रातामाटामा लामो समय प्राध्यापनसमेत गरेका थिए ।

टिचिङ अस्पतालमा भर्ना हुँदा उनले ज्ञानघरसँग कुरा गर्दै भनेका थिए , ‘परिवर्तनको लागि नेपालमा धेरै आन्दोलन र युद्धहरू भए तर कम्युनिस्ट नेताहरू सत्तामा पुगेपछि भ्रष्ट राजनीतिमा लिप्त भए । केही ठुला नेतालाई त परिवर्तन आयो होला तर आम जनतालाई आएन ।’

नेता आचार्यका तीन जना छोराहरू प्रकाश, प्रमोद र प्रवीण तथा ५ वटी छोरीहरू सीता, प्रतिभा, प्रभा, विश्वमाया र सीमा रहेका छन् ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
1
+1
2
+1
0
+1
0

प्रतिक्रिया दिनुहोस

Array

राजनीति

हामीलाई कसैले कमजोर ठान्ने उथलपुथल हुन्छ: माधव नेपाल

हामीलाई कसैले कमजोर ठान्ने उथलपुथल हुन्छ: माधव नेपाल

रौतहट, ७ वैशाख । नेकपा एकीकृत समाजवादीका अध्यक्ष एवं पूर्व प्रधानमन्त्री माधवकुमार नेपालले आफूहरूलाई कसैले कमजोर ठान...
एमालेको राष्ट्रिय महाधिवेशन प्रतिनिधि परिषद् बैठक आजबाट

एमालेको राष्ट्रिय महाधिवेशन प्रतिनिधि परिषद् बैठक आजबाट

काठमाडौँ, ८ वैशाख । नेकपा एमालेको राष्ट्रिय महाधिवेशन प्रतिनिधि परिषद् बैठक आजबाट सुरु हुँदै छ । आज देखी सुरु हुने सो ...
कमरेड पुष्पलाल: राजनीतिक दर्शन र सामाजिक न्यायप्रतिको दृष्टिकोण

कमरेड पुष्पलाल: राजनीतिक दर्शन र सामाजिक न्यायप्रतिको दृष्टिकोण

डा चूडाप्रसाद ढकाल drchudadhakal@gmail.com  १. प्रस्तावना नेपाली कम्युनिस्ट आन्दोलनका प्रणेता मध्ये एक, कमरेड प...

गोकुल बास्कोटाको टिप्पणी- सबैतिर गठबन्धन गर्नु तर राजनीतिमा कहिल्यै गठबन्धन नगर्नु !

काठमाडौँ । नेकपा एमालेका सांसद तथा पूर्व मन्त्री गोकुलप्रसाद बास्कोटाले एकीकृत समाजवादीप्रति व्यङ्ग्य गर्दै सामाजिक सञ्जा...
Home
ताजा अपडेट
ट्रेन्डिङ
Search