राष्ट्रिय आविष्कार केन्द्रले बनायो भेन्डिङ मसिन

काठमाडौँ । नेपाली वैज्ञानिक महावीर पुनले नेतृत्व गरेको राष्ट्रिय आविष्कार केन्द्रले भेन्डिङ मसिन बनाएको छ । विदेशमा प्रायः प्रयोग गरिने सो मसिनको निर्माणले देशमा व्यापार व्यवसायको क्षेत्रमा विशेष फड्को मार्ने विश्वास गरिएको छ ।

भेन्डिङ मसिनको निर्माण पछि वैज्ञानिक पुनद्वारा ट्विट जारी गर्दै भनिएको छ,  यो पहिलो नमुना भएता पनि विदेश तिर ठाउँ ठाउँमा राखिने मेशिनले जस्तै काम गर्छ । यसलाई चिटिक्क पारेर बनाउन सकियो भने सहर बजारमा बिक्री हुन्छ । यसरी बिक्री हुने कुनै पनि चिज बनाउन चाहनेहरू राष्ट्रिय आविष्कार केन्द्रमा आउनु होस् – स्वागत छ ।