गोरखाबाट काठमाडौँका लागि छुटेको यात्रुवाहक बस शुक्रवारदेखि सम्पर्कविहीन

गोरखा । गोरखाको लापुबेसिबाट काठमाडौँका लागि छुटेको  यात्रुवाहक बस सम्पर्कविहीन भएको छ ।

शुक्रवार बिहान ७ बजे गोरखाको लापुबेसिबाट काठमाडौँका लागि छुटेको ना ४ ख २२७० नम्बरको बस अहिलेसम्म पनि सम्पर्कमा नआएको बताइएको छ ।

गोरखा दरौदी यातायात प्रालिका अध्यक्ष नारायण खत्रीका अनुसार राति १० बजेसम्म खानि खोलासम्म सम्पर्कमा रहे पनि त्यसपछि कोही कसैसँग सम्पर्क भएको छैन । उक्त बसमा कति यात्रु थिए भन्नेबारे पनि यकिन भएको छैन ।