फरक आत्मा !

मानिसको आत्मा एउटै हुन्छ भन्थे
तर फरक हुँदो रहेछ हेर !
तिमी अकासबाट उड्यौ
म जमिनबाट गुडे
तिमी एक्सिडेन्ट् भयौ
म पनि एक्सिडेन्ट् भएँ
तिमी अन्तर्राष्ट्रिय एयरपोर्टमा
जलेर मर्याै
म सिमलतालकाे लेदोले बगाउँदा
त्रिशूली नदिमा डुबेर मरेँ
तिमी दुई घण्टा नहुँदै भेटियौ
म दुई हप्ता हुँदा पनि भेटिन सकिन्
तिम्रो परिवारमा रुवाबासी छ
मेरो परिवारमा पनि रुवाबासी छ
तर ,
तिम्रो महँगो टिकट थियो
त्यसैले
तिमिलाई आत्मसम्मान मिल्याे
आधा झन्डा झुकाइयो
तर ,
म सस्तो टिकट लिएको थिएँ
त्यसैले ,
सम्मान पाउन सकिन
आँसु एउटै हुन्छ भन्थे
तर ,,यहाँ आँसु पनि
फरक फरक हुँदा रहेछन्
चीत्कार एउटै हो भन्थे
तर ,
चीत्कार पनि फरक फरक हुँदा रहेछन् ।
आत्मा एउटै हुन्छ भन्थे
तर
आत्मा फरक फरक हुँदा रहेछन्
गरिबको आत्मा र
धनीको आत्मा पनि फरक फरक हुँदो रहेछ ।
त्यसैले ,
केही दिनको फरकमा
तिमी
र
म
दुवै मरेको हो
फेरि ,
तिमिले
आत्मा सम्मान पायौँ
मैले ,
आत्मा सम्मान पाउन सकिन्
आमा ,बुवा,दिदीबहिनी ,दाजुभाइ
र
इष्टमित्र
याे विभेदपूर्ण कानुनको विरोध गर्नु होला
उहीँ,
त्रिसुलीको आत्मा !

मिति :२५ जुलाई २०२४
साउन १० गते २०८१ बिहीबार ।
।