काँग्रेसको अवरोधपछि प्रतिनिधिसभाको बैठक स्थगित

काठमाडौँ । नेपाली काँग्रेसले प्रतिनिधि सभाको बैठक अवरुद्ध गरेको छ ।

सङ्घीय संसद्को संयुक्त बैठकमा राष्ट्रपति रामचन्द्र पौडेलले नीति तथा कार्यक्रम प्रस्तुत गरेपछि बसेको बैठकलाई नेपाली काँग्रेसले अवरोध गरेको हो ।

बैठक सुरु हुनासाथ काँग्रेसका सांसदहरूले बेल घेराउ गर्दै नाराबाजी गरेका थिए । 

राष्ट्रपतिले नीति तथा कार्यक्रम पेस गरेपछि धन्यवाद दिने प्रस्ताव पारित गर्न बसेको बैठक काँग्रेसले अवरुद्ध गरेको छ ।

काँग्रेसले राष्ट्रिय सभामा सहकारी ठगी प्रकरणमा उपप्रधान तथा गृहमन्त्री रवि लामिछानेमाथि छानबिन गर्न संसदीय समिति गठन नगरेसम्म संसद्को कुनै कारबाही अगाडी बढ्न नसक्ने जनाएको छ ।

काँग्रेसको अवरोधपछि प्रतिनिधि सभाको अर्को बैठक जेठ ३ गते बिहान ११ बजे बस्ने गरी स्थगित भएको छ ।