विश्वमा २८२ मिलियन मानिसहरू भोकमरीको चपेटामा, गत वर्ष थपिए २४ मिलियन: प्रतिवेदन

काठमाडौँ, १४ वैशाख । विश्वमा २८२ मिलियन मानिसहरू भोकमरीको चपेटामा परेका छन् । 

संयुक्त राष्ट्र सङ्घका एजेन्सी र विकास समूहहरूका अनुसार द्वन्द्वका कारण २८२ मिलियन मानिसहरू तीव्र भोकमरीबाट ग्रस्त भएका छन् ।

उनीहरूका अनुसार विशेष गरी गाजा र सुडानमा २०२३ मा खाद्य असुरक्षा अत्यधिक रूपमा बढेको उनीहरूको भनाइ छ । 

चरम मौसमी घटनाहरू र आर्थिक झट्काहरूले तीव्र खाद्य असुरक्षा सामना गर्नेहरूको सङ्ख्यामा थपिएको छ, जुन २०२२ को तुलनामा २४ मिलियन मानिसहरूले बढेको खाद्य सुरक्षा सूचना नेटवर्कले जनाएको छ । 

खाद्य साकटसम्बन्धी विश्वव्यापी प्रतिवेदनमा उल्लेख भए अनुसार यस वर्षको विश्वव्यापी दृष्टिकोणलाई ‘अन्धकार वर्ष’ भनिएको छ । संयुक्त राष्ट्र सङ्घका एजेन्सी, युरोपेली सङ्घ र सरकारी तथा गैर सरकारी निकायहरूलाई एकसाथ ल्याउने अन्तर्राष्ट्रिय गठबन्धनले यो आँकडा सार्वजनिक गरेका हुन । 

वर्ष २०२३ तीव्र खाद्य असुरक्षाबाट ग्रस्त मानिसहरूको बढ्दो सङ्ख्याको साथ लगातार पाँचौँ वर्ष थियो, जब जनसङ्ख्याले जीवन वा जीविकोपार्जनलाई खतरामा पार्ने खाद्य अभावको सामना गरिरहेको जनाइएको छ ।

गत वर्षको धेरैजसो वृद्धि रिपोर्टको विस्तारित भौगोलिक कभरेज र १२ देशहरूमा बिग्रँदै गएको अवस्थाका कारण थियो, प्रतिवेदनमा भनिएको छ ।

गाजामा ६ लाख लगायत करिब ७ लाख मानिसहरूले गत वर्ष भोकमरीको सामना गरेका थिए,  जुन सङ्ख्या युद्धग्रस्त प्यालेस्टिनी क्षेत्रमा अझै १.१ मिलियनमा पुगेको छ।

२०१६ लाई कभर गर्ने ग्लोबल नेटवर्क अगेन्स्ट फुड क्राइसिसद्वारा पहिलो रिपोर्ट अनुसार खाद्य(असुरक्षित व्यक्तिहरूको सङ्ख्या १०८ मिलियन बाट २५२ मिलियनमा बढेको हो ।