पेरुमा फेला परे सबैभन्दा लामो आयु भएका व्यक्ति, जसले मनाए १२४ औँ जन्मोत्सव

काठमाडौँ, ३० चैत । पेरु सरकारले संसारकै सबैभन्दा वृद्ध व्यक्ति आफ्नो देशमा रहेको दाबी गरेको छ ।

यसै महिना इंग्ल्याण्डका एक १११ वर्षीय पुरुषलाई विश्वको सबैभन्दा वृद्ध पुरुष घोषित गरिएको थियो तर पेरुभियन सरकारले दाबी गरेको छ कि उनको देशमा १२४ वर्ष उमेरको जीवित व्यक्ति छन्, उनी पेरुको मात्रै होइन, सिङ्गो विश्वको सबैभन्दा वृद्ध मानिस हुन ।

मार्सेलिनो अबाद टोलेन्टिनो उर्फ मासिको नामका व्यक्ति पेरुको हुआनुकोको पहाडी क्षेत्रमा बस्छन्। हालै मात्रै पेरुको सरकारले एक विज्ञप्ति जारी गर्दै मार्सेलिनो विश्वकै सबैभन्दा वृद्ध व्यक्ति भएको बताएको छ । ह्वानुको क्षेत्रको मौसम नै मार्चेलिनोको लामो आयुको रहस्य रहेको पनि बताइएको छ ।

सरकारले विश्वको सबैभन्दा जेठो व्यक्ति हुनुका साथै अहिलेसम्म सबैभन्दा लामो आयु बाँच्ने एक मात्र व्यक्ति भएको बताएको छ । सरकारले जारी गरेको विज्ञप्तिमा भनिएको छ ।

हुआनुकोको वनस्पति र जीवजन्तुको शान्तिको बिचमा मार्सेलिनोले स्वस्थ जीवनशैली र आन्तरिक शान्ति फेला पारेका छन् । जुन उनीहरूको राम्रो स्वास्थ्य र व्यवहारमा झल्किन्छ। त्यसैले उनले आफ्नो जीवनको १२ दशक लचिलोपन र कौशलताका साथ बिताउन सफल भए ।

हिउँले ढाकिएका पहाडहरू, तातो उपत्यका र अमेजन जङ्गलहरूका साथै हुआनुको सहर पहाड र हरियो जङ्गलले घेरिएको छ। पेरुको यो सहरमा रहेका पुरातात्त्विक भग्नावशेष र मन्दिरहरू हेर्न टाढा टाढाबाट पर्यटक आउँछन्।

मार्सेलिनो के खान्छन् त ?

मार्सेलिनोले अप्रिल ५ मा आफ्नो १२४ औँ जन्मदिन मनाएका थिए । उनी पेसाले किसान भएको बताइएको छ । उनको जन्म सन् १९०० मा भएको दाबी गरिएको छ । पेरुका अधिकारीहरूले मार्सेलिनोलाई गिनिज वर्ल्ड रेकर्डमा नाम दर्ता गराउन सरकारले सहयोग गरिरहेको बताएका छन्। विज्ञहरूको टोलीले मार्सेलिनोको जन्मसँग सम्बन्धित कागजातहरू पनि जाँच गर्नेछ ताकि यो उपलब्धिलाई कुनै शङ्का नगरी प्रमाणित गर्न सकिन्छ।

न्यूयोर्क पोस्टमा प्रकाशित समाचार अनुसार सन् २०१९ मा छागला नामक सानो गाउँमा पहिलो पटक उनको परिचय खुलाइएको थियो । त्यसपछि सरकारले उनलाई परिचयपत्र र पेन्सन उपलब्ध गराएको थियो । मार्सेलिनोले आफ्नो आहारमा फलफूल र मासु समावेश गरेको बताइएको छ । उनी कोका पात चपाउन पनि मन पराउँछन्।

भर्खरै मात्रै इङ्गल्यान्डका जोन अल्फ्रेड टिनिसवुडलाई आधिकारिक रूपमा विश्वको सबैभन्दा वृद्ध जीवित व्यक्ति घोषित गरिएको थियो। जोन १११ वर्षका छन्। योसँगै सबैभन्दा लामो समय बाँच्ने व्यक्तिको कीर्तिमान उनको नाममा गिनिज बुकमा दर्ता भएको छ । तर अब मार्सेलिनो उनलाई चुनौती दिन आउँदै छन्।