साफ यु १६ महिला फुटबल: आज नेपालले बङ्गलादेशको सामना गर्दै

काठमाडौँ, १९ फागुन । नेपालले आज साफ यु–१६ महिला फुटबल प्रतियोगिता अन्तर्गत बंगालदेशको सामना गर्दै छ ।

यो खेल  ललितपुरस्थित च्यासल मैदानमा अपराह्न ३ बजे देखि सुरु हुनेछ ।

प्रतियोगिताको पहिलो खेलमा शुक्रवार भारतले भुटानलाई ७-० गोल अन्तरले पराजित गर्दै विजयी सुरुवात गरेको थियो ।  प्रतियोगितामा नेपालसहित भारत, बङ्गलादेश र भुटान गरी चार देश सहभागी हुँदै छन् । प्रतियोगिताको पहिलो चरणमा सहभागी चार वटै टोलीले एक अर्कासँग एक–एक खेल खेल्नेछन् भने शिर्ष दुई स्थानमा रहने दुई देश फाइनलमा पुग्ने छन् ।

नेपाली टिम:
 

गोलरक्षक: रूपमा झरना डुम्राकोटी, सुनिता स्याङ्तान  र लक्ष्मी ओली ।

डिफेन्डर: दीक्षा रायमाझी, रेजिना लामा, मिना चन्द, कृतिषा तामाङ, अंशु बिके, मिनामाया श्रेष्ठ, एलिजा बिके र ग्यान्सु डोल्मा लो ।

मिडफिल्डर: भूमिका बुढाथोकी, आशिका कार्की, बविता कार्की, आयुषा रौले, डिकीकुमारी स्याङ्बो तामाङ, आयुषा गुरुङ, रविना बिके र सविना तामाङ । 

स्ट्राइकर: पूजा गिरी, अनिता राना मगर, यामकुमारी बिके र पूर्णिमा थारु ।

नेपाली टोलीको प्रमुख प्रशिक्षकमा चक्र तामाङ छन् ।