आमाछोरीको हत्यापछि श्रीमानले हरिसिद्धी पुगेर गरे आत्महत्या

काठमाडौँ, ९ फागुन । काठमाडौँको स्वयम्भूमा आमा र दुई छोरीको हत्यापछि श्रीमानले आत्महत्या गरेका छन्। नागार्जुन नगरपालिका वडा नम्बर ६ स्थित एउटा घरमा बुधवार बिहान आमा र दुई छोरीको हत्यापछि श्रीमानले आत्महत्या गरेको प्रहरी वृत्त स्वयम्भूले जनाएको छ।

हत्या भएको ठाउँदेखि करिब दुई किलोमिटर टाढा जङ्गलमा श्रीमान् झुन्डिएको अवस्थामा मृत फेला परेको वृत्त प्रमुख डिएसपी पूर्णिमा चन्दले बताइन्।

ओखलढुङ्गा घर भई उक्त घरमा डेरा गरी बस्ने ३९ बर्सिया ईश्वरी श्रेष्ठ, उनकी ८ बर्सिया छोरी अनिशा श्रेष्ठ र २ बर्सिया छोरी शिवानी श्रेष्ठको हत्या भएको थियो। हत्यापछि काजी विश्वकर्मा भनिने राजु घिमिरेले आत्महत्या गरेको चन्दले बताइन्।

‘हत्यापछि श्रीमान् हरिसिद्धिस्थित जङ्गलमा झुन्डिएको अवस्थामा फेला परेका छन्,’ उनले भनिन्।

घिमिरे घर बनाउने काम गर्थे। हत्यापछि उनले ससुरालाई फोन गरेर आत्महत्या गर्न लागेको बताएका थिए।

हत्याको कारण खुलिसकेको छैन। प्रहरीले शवको मुचुल्का उठाइरहेको छ।