मुस्लिमहरूको तेस्रो पवित्र स्थलमा इजरायलले गर्ने भयो कडाइ

तेल अहिव, ९ फागुन । मुस्लिम समुदायका लागि इजरायलमा रहेको अल अक्सा मस्जिदको महत्त्वपूर्ण तीर्थस्थल हो ।

विश्वभरिका मुस्लिम समुदायले यसलाई मक्का र मदिना पछि आफ्नो तेस्रो पवित्र स्थल मान्छन्। 

यो ठाउँ मुस्लिम समुदाय अर्थात् इस्लाम धर्मावलम्बीका लागि मात्र होइन, यहुदी र इसाईहरूमा पनि प्रमुख स्थान मानिन्छ । यहुदीहरूले यस ठाउँलाई ‘टेम्पल माउन्ट’ भन्ने गर्छन्। क्रिस्चियन धर्मका मानिसहरू अल अक्सा कम्प्लेक्स यही रहेको बताउँछन् । त्यहाँ येशू ख्रिस्टले आफ्नो उपदेश दिएका थिए र उनलाई यही सहरमा क्रुसमा टाँगिएको थियो र पछि उनको यहीँ पुनर्जन्म भएको विश्वास गरिन्छ ।

यही कारणले गर्दा यस ठाउँलाई लिएर तीन समुदायबिच सधैँ प्रतिस्पर्धा हुने गरेको छ । विशेष गरी यहुदी र मुस्लिम बिच यो स्थानको बारेमा धेरै र लामो समय देखी विवाद हुँदै आएको छ। हाल, यो स्थान इजरायलमा अवस्थित छ, त्यसैले यो प्रायः यहुदीहरूको प्रभुत्व छ।

यहाँ इजरायली कानुन यस ठाउँमा प्रचलित छ। तर, पवित्र महिना रमजानमा मुस्लिम समुदायको भावनालाई मध्यनजर गर्दै उदारता देखाइए पनि यस पटक मुस्लिमका लागि कानुन थप कडा बनाइएको इजरायली मिडियाले जनाएका छन् ।

रमजानको महिनामा यस ठाउँको अवस्था प्रायः परिवर्तन हुने गरेको देखिन्छ। यही कारणले गर्दा यस पटक इजरायली सरकारले मस्जिदमा प्रवेशमा प्रतिबन्ध लगाएको छ । उनले यसको पछाडि इजरायल र हमास बिच चलिरहेको युद्धलाई जिम्मेवार ठहराए।

न्युज १८ को रिपोर्टका अनुसार यस पटक प्यालेस्टाइनीहरू मस्जिदमा प्रवेश गर्न सक्ने आशा कमै छ, चाहे त्यो उमेर जुनसुकै होस् । यद्यपि, धेरै मिडिया रिपोर्टहरूमा यो भनिएको छ कि १० वर्ष भन्दा कम उमेरका बच्चाहरूलाई पनि अल अक्सा मस्जिदमा प्रवेश गर्न सक्छन् तर यस अवधिमा कुनै पनि व्यक्ति आन्दोलनमा सहभागी नहुने गरी कडा निगरानी राखिने छ । 

यदि कसैले सो क्रममा प्यालेस्टाइनको झन्डा बोकेको देख्यो भने उसलाई कडा कारबाही गरिने इजरायलले जनाएको छ ।