माल्दिभ्सको संसद्मा भिडन्त, एक जना सांसद घाइते

माले, १५ माघ । मालदिभ्सको संसद्मा भिडन्त भएको छ । 

राष्ट्रपति मोहम्मद मुइज्जुले बोलाएको विशेष अधिवेशनको कार्यवाही अवरुद्ध पार्ने क्रममा मालदिभ्सको संसद्मा झडप भएको हो । 

मालदिभ्सको संसद्मा सत्तारुढ गठबन्धन र विपक्षी सांसदहरूबिच झडप भएको मालदिभ्सका समाचार संस्थाहरूले जनाएका छन् ।

सन अनलाइनका अनुसार  राष्ट्रपति मुइज्जुको मन्त्रिपरिषद्को लागि मतदान हुनु अघि सो झडप भएको हो । समाचार अनुसार संसद्मा मतदान हुनु अघि पूर्व राष्ट्रपति इब्राहिम मोहम्मद सोलिहको नेतृत्वमा रहेको माल्दिभियन डेमोक्रेटिक पार्टी  (एमडीपी) को विरोधमा पीपुल्स नेसनल काँग्रेस (पीएनसी) र प्रोग्रेसिभ पार्टी अफ मालदिभ्स (पीपीएम) का सरकार समर्थक सांसदहरू बाहिर आएका थिए । 

समाचार च्यानल अधाधुले घटनाको भिडियो जारी गरेको छ, जसमा एमडीपी सांसद इसा र पीएनसी सांसद अब्दुल्ला शाहीम अब्दुल हकिम झगडा गरिरहेको देख्न सकिन्छ। भिडियो फुटेजमा सहिमले इसाको खुट्टा समातेर भुईँमा खसाएको र त्यसपछि ईसाले शहीमको घाँटीमा लात हाने र कपाल तानेको देखिन्छ । घटनामा घाइते भएका सांसद शाहीमलाई उपचारका लागि एम्बुलेन्समा अस्पताल लगिएको छ ।

सत्तारुढ प्रोग्रेसिभ पार्टी अफ मालदिभ्स (पीपीएम) र पिपुल्स नेसनल काँग्रेस (पीएनसी) गठबन्धनले विपक्षीको यस्तो रवैयाप्रति चिन्ता व्यक्त गरेका छन् । यसबारे उनले स्वीकृति नदिनु भनेको सरकारको काममा बाधा पु¥याउने प्रयास भएको बताए ।