डाक्टर विथ सर्वाइभर कार्यक्रम सम्पन्न

काठमाडौँ, पौष ४ गते । नेपाल क्यान्सर सर्भाइभर्स सोसाइटीको आयोजनामा डाक्टर विथ सर्भाइभर्स कार्यक्रम सम्पन्न भएको छ । पौष ४ गतेका दिन नयाँबजारस्थित ज्ञानशाला अनुसन्धान केन्द्रको सभाहलमा सम्पन्न भएको कार्यक्रममा पाटन अस्पतालका वरिष्ठ क्यान्सर रोग विशेषज्ञ डा.अरुण शाहीको उपस्थिति रहेको थियो ।

मेटलाइफ इन्सोरेन्सले स्पन्सर गरेको सो कार्यक्रममा क्यान्सरसँग सङ्घर्ष गरिरहेका ३२ जना सर्भाइभर्सहरुको उपस्थिति रहेको थियो । सोसाइटीकी अध्यक्ष प्रमिता खनालका अनुसार कार्यक्रममा स्तन, पाठेघर, रगत, आँखा, थाइराइड, कोलोन क्यान्सरका बिरामीहरूको उपस्थिति रहेको थियो । भिन्दा भिन्दै क्यान्सर समूहहरूको समूह छलफल गरिसकेपछि सबै समूहसँग डाक्टर शाहीले विभिन्न जिज्ञासाहरूको समाधान गरेको अध्यक्ष खनालले ज्ञानघरलाई बताइन । २ घण्टाको लागि कार्यक्रम निर्धारित भए पनि सर्भाइभर्सहरु एकदमै उत्साहित हुँदा ४ घण्टासम्म सो कार्यक्रम चलेको थियो ।
संस्थाकी अध्यक्ष प्रमिता खनालले सहजीकरण गरेको कार्यक्रममा उपाध्यक्ष पूजा कुँवरले धन्यवाद मन्तव्य राखेकी थिइन । कार्यक्रममा बिनु के.सी., सुस्मीता पोख्रेल र कस्तुरी भुसालको  सहयोगी भूमिका रहेको थियो ।