यू-१९ एसिया कप: भारतले टस जित्यो, नेपालले पहिला ब्याटिङ गर्दै

काठमाडौँ, २६ मङ्सिर । युएईको दुबईमा जारी एसीसी यू-१९ एसिया कप अन्तर्गत आज नेपालले भारतको सामना गर्दै छ ।

यस खेलमा भारतले टस जितेर पहिला बलिङ गर्ने निर्णय गरेको छ । योसँगै नेपालले पहिला ब्याटिङ गर्ने भएको छ ।

यस प्रतियोगितामा नेपालले आफ्ना सुरुका दुवै खेलमा हार बेहोरेको छ । नेपालले पहिलो खेलमा पाकिस्तानसँग ७ विकेटको हार बेहोरेको छ भने दोस्रो खेलमा अफगानिस्तानसँग ७३ रनले हार बेहोरेको थियो ।

त्यस्तै समूह ए मा रहेको भारतले भने २ मध्ये एक खेलमा जित हासिल गरेको छ एक खेलमा हार बेहोरेको छ । भारतले पहिलो खेलमा अफगानिस्तानलाई ७ विकेटले पराजित गरेको थियो भने दोस्रो खेलमा पाकिस्तानसँग ८ विकेटको हार बेहोरेको थियो ।

समूह ए मा पाकिस्तानले २ खेलमा दुवै खेल जितेर ४ अङ्क हासिल गरेको छ भने भारत र अफगानिस्तानले २ -२ खेलमा एक एक खेल जितेर २-२ अङ्क हासिल गर्दै दोस्रो र तेस्रो स्थानमा रहेको छ ।

त्यस्तै नेपालले भने दुवै खेलमा हार बेहोरेर अङ्कविहीन रहेको छ ।