जापानको एक रेस्टुरेन्टको विश्वभरि चर्चा, जहाँ बादँरलाइ राखिएको छ वेटर

टोकियो, २६ मङ्सिर । जापानको एउटा रेस्टुरेन्टले बाँदरहरूलाई वेटरको रूपमा काम गर्छन् भन्दा तपाईँलाई अचम्म लाग्न सक्छ ।

हो, जापानमा एउटा यस्तो रेस्टुरेन्ट छ, जहाँ बाँदरहरू वेटरको रूपमा काम गर्छन्, जो सामान्य मानिसले झैँ उनीहरू ग्राहकलाई व्यवहार पनि गर्छन् ।

समाचार अनुसार यसरी वेटर बाँदरहरूले तलबको रूपमा भने केरा पाउँछन्। यहाँ बाँदरहरूले चेक सर्ट र कालो स्कर्ट लगाउँछन्। जापानी रेस्टुरेन्ट कायाबुकिया टैवर्नमा बाँदरहरूले बियर र अन्य स्वादिष्ट खानाहरू सेवा गर्छन्। बदलामा ग्राहकले बाँदरलाई उमालेको भटमास दिन्छन् ।

बाँदरहरू मूलतः कायाबुकिया रेस्टुरेन्टका मालिक काउरु ओत्सुकाका घरपालुवा जनावर थिए। तिनीहरूका बाँदरहरूले कहिल्यै गलत काम गर्दैनन् भन्नेमा विश्वास गर्थे र उनमा एक दिन यस्तो सोच बन्यो कि बाँदरलाई वेटर बनाउँछु । नभन्दै तालिम दिए र उनी सफल पनि भए । त्यसपछि त्यो रेस्टुरेन्ट क्रमशः वरपर हुँदै देशभरि चर्चा परिचर्चा हुन थाल्यो ।

रेस्टुरेन्ट मालिक ओत्सुकाले डेली मेललाई भने कि बाँदरहरू उनको परिवारको जस्तै नजिक छन्। कहिलेकाहीँ पाहुनालाई मनोरञ्जन दिन नाच्ने पनि गर्छन् । कायाबुकिया रेस्टुरेन्टहरूको अद्वितीय अवधारणाले संसारभरका डिनरहरूलाई आकर्षित गर्दछ। ग्राहकले बाँदरसँग फोटो खिच्छन् ।

बाँदरको राम्रो हेरचाह गरिएको छ। कायाबुकिया रेस्टुरेन्ट मालिकको बाँदरको चाल निकै प्रभावकारी साबित भएको छ । कायाबुकिया रेस्टुरेन्टका बाँदरहरूले आफ्नो निर्दोषताले ग्राहकहरूको हृदय पग्लन्छन्। तिनीहरू वास्तवमै राम्रो व्यवहार गर्ने बच्चाहरू जस्तै व्यवहार गर्छन्।

बाँदरले पाहुनालाई हात सफा गर्न तौलिया पनि ल्याउँछन्। रेस्टुरेन्टमा बाँदरहरूले ग्राहकहरूको राम्रो हेरचाह गर्छन्।