वेस्ट बैङ्कमा इजरायलद्वारा ३३९० जना प्यालेस्टाइनी पक्राउ

गाजा, १५ मङ्सिर । वेस्ट बैङ्कबाट इजरायलले ३३९० जना प्यालेस्टाइनी लाई पक्राउ गरेको छ ।

इजरायली सेनाले गत अक्टोबर ७ मा हमासको आक्रमण पछि कब्जा गरिएको वेस्ट बैङ्कमा छापा मारेर ३, ३९० जना प्यालेस्टिनीहरू लाई हिरासतमा लिएको हो ।

प्यालेस्टिनी कैदी समाज र नजरबन्दी मामिला आयोगले एक संयुक्त वक्तव्य जारी गरी यो जानकारी दिएको हो । उनीहरूका अनुसार यो सङ्ख्यामा रातारात इजरायली छापा मारेर पक्राउ परेकाहरूलाई समावेश गरिएको छैन।

गत बुधवार र बिहीबार मात्रै कम्तीमा ४० जना प्यालेस्टाइनीलाई पक्राउ गरिएको विज्ञप्तिमा उल्लेख छ।