Gyaan Ghar

Home

Advertisement

आरक्षणको माग राखी महाराष्ट्रमा मराठा आन्दोलन चर्कियो, समर्थनमा दुई सांसदले दिए राजीनामा

मुम्बई, १४ कार्तिक । महाराष्ट्रमा मराठा आरक्षणको आन्दोलन चर्किएको छ ।

सोमबार मात्रै आन्दोलनकारीले राष्ट्रवादी काँग्रेसका विधायक प्रकाश सोलंकेको घर र बीडस्थित एनसीपीको कार्यालयमा आगजनी गरेका छन् ।

आन्दोलनकारीको एक समूहले नगरपालिकाको भवनको पहिलो तल्लामा समेत आगजनी गरेको थिए । गङ्गापुरमा भाजपा विधायक प्रशान्त बम्बको कार्यालयमा तोडफोड भएको छ। यससँगै सुरक्षा कारणले बीडमा धारा १४४ लगाइएको छ भने इन्टरनेट पनि ४८ घण्टाका लागि बन्द गरिएको छ ।

समाचार एजेन्सी पीटीआईका अनुसार मराठा समुदायले आरक्षणको माग गर्दै महाराष्ट्रको जालनामा अनिश्चित कालीन अनशनमा बसेका सामाजिक कार्यकर्ता मनोज जरांगेले स्वास्थ्य परीक्षण गराउन अस्वीकार गरेका छन् ।

पीटीआईसँग कुरा गर्दै जालनाका कार्यवाहक सिभिल सर्जन डा. प्रताप घोडकेले लामो समयसम्म खाना नखाँदा उनीहरूको महत्त्वपूर्ण अङ्ग र स्वास्थ्यमा असर पर्ने बताए।

एकनाथको शिव सेनाका दुई सांसदले मराठा आरक्षणको समर्थनमा राजीनामा दिएका छन्। महाराष्ट्रका हिंगोली सांसद हेमन्त पाटिलले सोमबार नयाँ दिल्लीको लोकसभा सचिवालयमा आफ्नो राजीनामा बुझाएका छन्। नासिकका सांसद हेमन्त गोडसेले मुख्यमन्त्री एकनाथ शिन्देलाई राजीनामा पठाएका छन् ।

काँग्रेस, उद्धव ठाकरेको शिव सेना र शरद पवारको एनसीपी सम्मिलित महाविकासको एक प्रतिनिधिमण्डलले राज्यपाल रमेश बैसलाई भेटेको छ । यस क्रममा एमबिएले मराठा आरक्षण सम्बन्धी आन्दोलनमा आवश्यक सुझाव दिन माग गर्‍यो। यस बैठकमा काँग्रेस नेता नाना पटोले, अशोक चव्हाण, अभिजित वंजारीलगायत धेरै नेताहरू उपस्थित थिए।

महाविकास अघाडी (एमबिए) को प्रतिनिधिमण्डलले गभर्नर रमेश बैसलाई भेटेर विभिन्न माग राखेको थियो । यसमा सबैभन्दा महत्त्वपूर्ण कुरा भनेको व्यवस्थापिकाको विशेष अधिवेशन बोलाएर राष्ट्रपति द्रौपर्दी मुर्मा र प्रधानमन्त्री नरेन्द्रसँग कुरा गर्न राज्यपाल रमेश बैसलाई अपिल गर्नु हो। मनोज जरांगे पाटिलको स्वास्थ्य निकै नाजुक छ । यस्तो अवस्थामा जतिसक्दो चाँडो यो समस्या समाधान गर्नुपर्छ । सरकारले विशेष अधिवेशन बोलाउनु अघि आरक्षण कानुनको मस्यौदा सार्वजनिक गर्नुपर्छ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

प्रतिक्रिया दिनुहोस

राजनीति

नैतिक प्रश्न उठ्ने गरी तदर्थ सरकार चलाउन कुनै रुचि थिएन र छैन- प्रधानमन्त्री

नैतिक प्रश्न उठ्ने गरी तदर्थ सरकार चलाउन कुनै रुचि थिएन र छैन- प्रधानमन्त्री

राष्ट्रिय सभा अन्तर्गत राष्ट्रिय सरोकार तथा समन्वय समितिको बैठकमा बुधबार समितिका सदस्यहरूले राखेका जिज्ञासाको जवाफ दिँदै प्रध...
प्रधानमन्त्री प्रचण्डले आज विश्वासको मत लिँदै

प्रधानमन्त्री प्रचण्डले आज विश्वासको मत लिँदै

राष्ट्रिय सभा अन्तर्गत राष्ट्रिय सरोकार तथा समन्वय समितिको बैठकमा बुधबार समितिका सदस्यहरूले राखेका जिज्ञासाको जवाफ दिँदै प्रध...
२०२४ का निर्वाचन- विश्वभर सत्ता हल्लाउने मत परिणाम

२०२४ का निर्वाचन- विश्वभर सत्ता हल्लाउने मत परिणाम

काठमाडौँ । गत साता बेलायत, फ्रान्स, इरान जस्ता ठुला देशमा चुनाव भएको थियो । यी देशका चुनावी परिणामले तत्कालीन सत्तारुढ ने...
त्रिशूली नदीमा खसेका दुई वटा बसको खोजी कार्य जारी

त्रिशूली नदीमा खसेका दुई वटा बसको खोजी कार्य जारी

काठमाडौँ । पहिरोले त्रिशूली नदीमा खसेका दुई वटा बसको खोजी कार्य जारी रहेको छ । प्रहरीका अनुसार आज बिहान ३ बजेको समयमा ...
Home
ताजा अपडेट
ट्रेन्डिङ
Search