तारा बरालविरुद्ध गाली बेइज्जती मुद्दा

काठमाडौं, १३ कात्तिक । आफूलाई अभियन्ता बताउने तारा बरालविरुद्ध गाली बेइज्जती मुद्दा काठमाडौँ जिल्ला अदालतमा दर्ता भएको छ ।

ललितपुर महालक्ष्मी नगरपालिकाका बलाराम बोगटीले आफू विरुद्ध अनर्गल प्रचार गरेर बेइज्जती गरेको भन्दै बरालविरुद्ध जिल्ला अदालतमा मुद्दा दर्ता गरेका हुन् ।

टिका योगी वारेसमार्फत सिएन १५५९ दर्ता गराएको गाली बेइज्जती रिट निवेदनमा बोगटीले उल्लेख गरेका छन्, ‘विपक्षीलाई अरूको मान सम्मान र प्रतिष्ठामा आँच आउने गरी बोल्न लेख्न हुँदैन, गाली गर्नु हुँदैन र झुटा आरोप लगाउनु हुँदैन भन्ने थाहा छ तर, म एक महिला अभियन्ताको भएको मलाई कसैले केही कारबाही गर्न सक्दैन, म प्रहरी प्रशासनसँग डराउन्न भनी म जस्तो प्रतिष्ठित महिला उपर नभएको नगरेको एकदमै झुटा लाञ्छनाको शब्दहरू आफ्नो फेसबुक आइडीमार्फत प्रकाशन गरी मेरो सामाजिक राजनीतिक प्रतिष्ठामा आँच आउने भाष स्ट्याटसमा राख्नु भएको छ, जसबाट मेरो इज्जतमा प्रत्यक्ष असर परेको दृष्य सोही ब्यहोरा लेखी फोनबाट एस.एम.एस. समेत गर्नु भएको छ । विपक्षी गरेको कार्यको प्रमाण तपसिलमा पेश गरेको छु । मेरा तपसिलका साक्षी प्रम समेतले पुष्टि गर्नु हुनेछ । विपक्षी गाली बेइज्जती कसुरको सजाय भागी  कार्य गर्नु भएको छिन् ।’
उक्त रिटको आउँदो ८ मङ्सिरमा तारिख तोकिएको छ ।