Advertisement
मलाइ हाँसो लाग्दछ
Advertisement
* मोहनविक्रम सिंह
मलाई हाँसो लाग्छ,
जब भन्छ अन्धकारले आई,–
‘मैले रोक्दछु प्रकाश लाई,
शून्य पारी सूर्यको तेज–राशि,
अन्धकारमय, बनाउँछु विश्वलाई !
मैले कसरी पत्याऊँ ?
जब ती गगन चुम्बी महलहरूले,
गुलाफी गाला, सुकोमल शरीर,
धडकी रहेका छातीहरूले
गर्न थाल्दछन् भयङ्कर गर्जना,
मानवताको भर्त्सना,
क्रान्तिको विस्फोट रोक्दछौँ भनी
’फु’ गरी निभाई प्रज्वलित अग्नि ज्वालालाई
सडे–गलेका दीवारहरू जोगाउँछौँ भनी
रूख पात र ढुङ्गा पनि हाँस्दछन्,
जब भन्छन् गोली तोप र एटमले
’संहार गर्छौ मानवतालाई,
दिशा दिशामा फैलाई दानवी जाल,
भस्म गर्दछौँ–
आजादी शान्ति र प्रगतिका अङ्कुरहरूलाई
चन्द्र–सूर्य पनि बादल भित्र लुक्दछन्,
जब भन्छन् जेलका
अग्ला दीवार र फलाम जन्जिरहरूले,
बन्दीहरूमाथिका प्रताडना र सङ्गिनका धारले
‘प्वाँख काटी मास्दछौँ पक्षी जातिलाई
बीज मासी मास्दछौँ,
उम्री रहने नयाँ–नयाँ अङ्कुरहरूलाई ।’
मशान घाटका मुर्दाहरू पनि
उठेर नाच्न थाल्दछन्
जब भन्छन् वेद र स्मृतिका ठेकेदारहरूले
शिर नुगाई, फूल चढाई
भगवान्लाई सम्झी,
अमर गराउँदछौँ थोत्रो व्यवस्था’ कालो कीर्ति
भ्रम रची अन्धकार फिँजाइ
‘रोकी राख्दछौँ तरुण आकाङ्क्षा नवजाग्रति
सारा मानवहरूले
हर्ष बाजा बजाउँछन्
जब सुनाउँछन्–
चराहरूले गीत गाई
‘छेक्न सक्दैन–
अन्धकारले प्रकाशलाई
जेल गोली एटम र
थोत्रा बिचारले–
रोक्न सक्दैन–
कोटी कोटी जनको पदचापलाई ।
पाल्पा जेल, वैशाख २०, ०१३
यो खबर पढेर तपाईलाई कस्तो महसुस भयो ?
+1
+1
+1
2
+1
+1
+1
+1
प्रतिक्रिया दिनुहोस
राजनीति
मोदी फेरी पनि विश्वको लोकप्रिय नेतामा नम्बर १ मा, अमेरिकी राष्ट्रपतिलाइ ३७% मात्रै मत
२३ मंसिर, न्युयोर्क। भारतीय प्रधानमन्त्री मोदी देशमा मात्र नभई विश्वभर निकै लोकप्रिय छन् । मर्निङ कन्सल्टले गरेको सर्वेक्षण...
सरकारले राष्ट्रिय स्वाधिनताको रक्षा गरेनःओली
२३ मंसिर, काठमाडौं । नेकपा एमालेका अध्यक्ष केपी शर्मा ओलीले स्वाधिन र सार्वभौम राष्ट्र हुदा हुदै आफ्नो स्वतन्त्रताको प्रयोग गर्न न...
कमल एक्चैले आलिङ्गन बनाऊँदै
२३ मंसिर, काठमाडौं । निर्देशक कमल एक्चै मगरको निर्देशनमा बन्ने नयाँ चलचित्र ‘आलिङ्गन’ को औपचारिक घोषणा गरिएको छ।
गत बर्ष ...
जयपुरमा बनाइन्छ विश्वकाे सबैभन्दा ठुलाे पराठा, एक्लै खानसक्नेलाई १ लाख इनाम
२३ मंसिर, जयपुर। राजस्थानको राजधानी जयपुर आफ्नो मसालेदार स्वादका लागि विश्वभर प्रसिद्ध छ।
त्यसैगरी, जाडोमा जयपुरका हरेक क्षेत...