‘किसान समस्यालाई विचारसँग नजोड्दा अर्थवादको सिकार’

काठमाडौँ । ‘नेपालमा किसान आन्दोलन कमजोर हुँदै जानुमा विचारको पक्ष कमजोर हुँदै जानु हो’,  नेकपा(मसाल)का महामन्त्री मोहन विक्रम सिंहले बताउनु भयो । अखिल नेपाल किसान महासङ्घ(अप्फा)को आयोजनामा भाद्र ३० गते काठमाडौँ जिल्लाले आयोजना गरेको भेला तथा प्रशिक्षण आयोजनामा वहाँले सो धारणा राख्नुभएको हो । 

विचार, दृष्टिकोणले सबै कुरा प्रभावित पार्ने बताउँदै महामन्त्री सिंहले   ‘किसानहरूको बिचमा प्रतिक्रियावादी, सामन्तवादी विचार पसेको त्यसका साथै विभिन्न एनजिओ तथा आइ एनजिओले भ्रमको खेती गरिरहेका कारण नेपालमा किसान आन्दोलन कमजोर हुँदै गएको’  बताउनुभयो  – ‘विचारको पक्ष कमजोर हुँदै जाँदा अहिले किसानको  बेग्लै समाज बनी सकेको  अवस्था छ ।’  त्यसैले वहाँको धारणा थियो, ‘किसान समस्यासँग  राजनीति र सिद्धान्त पनि जोड्नु पर्छ । त्यसपछि नै उनीहरू सङ्घर्षमा जोडिन्छन् ।’

नेपाली समाजमा धर्मले पनि नकारात्मक तथा निराशाजनक दृष्टिकोण दृष्टिकोण सिर्जना गरेको  महामन्त्री सिंहले बताउनु भयो ।