Gyaan Ghar

Home

Advertisement

 देशको राजनीतिमा तीन ओटा खतरा छन्  ः सिँह

काठमाडौं । नेपाल कम्युनिस्ट पार्टी मसालका महामन्त्री मोहन विक्रम सिंहले अहिले देशको राजनीतिमा तीन वटा खतरा भएको बताउनुभयो । २०८० भदौ १६ गते शनिवार “यो हो टेलिभिजन” मा पत्रकार जीवराम भण्डारीसँग कुरा गर्दै वहाँले सो धारणा राख्नुभएको हो । 

महामन्त्री सिंहले भन्नुभयो,  ‘पहिलो खतरा,  प्रतिगमनको खतरा हो । त्यो राजतन्त्रको खतरा हो ।’ 

टेलिभिजन पत्रकारसँग कुरा गर्दै वहाँले बताउनुभयो, ‘नेपाली जनताले लामो समय सङ्घर्ष गरेर नेपालमा राणा शासन खतम पारे । निरङ्कुश पञ्चायती शासन खतम पारे । राजतन्त्र खतम पारे । तर प्रत्येक देशको इतिहासमा हामी यो पाउँछौँ , एक पल्ट सत्ताच्यूत भएपछि प्रतिक्रियावादी शक्तिहरू फेरि सत्तामा आउने प्रयास गरिराखेका हुन्छन् । त्यो प्रयत्न नेपालमा पनि भइराखेको छ । अहिले राजावादीहरूले सत्तामा आउन हिन्दु धर्मको आड लिइरहेका छन् ।’

 नेता सिंहले अगाडि भन्नु भयो, ‘देशमा गणतन्त्र आएको छ । धर्मनिरपेक्षता आएको छ । त्यसको रक्षाका लागि यसको पक्षमा आउने शक्तिसँग हाम्रो सहकार्य कायम भएको छ । काङ्ग्रेससँग, माओवादीसँग अहिले हामीले मोर्चा बन्दी गरेका छौँ, त्यसको मुख्य उद्देश्य राजतन्त्रको खतरा, प्रतिगमनको खतराको विरुद्ध एकताबद्ध भएर सङ्घर्ष गर्नु हो ।’

महामन्त्री सिंहले अगाडि भन्नु भयो, ‘देशमा अर्को खतरा पनि छ । त्यो राष्ट्रियतामाथिको खतरा हो । भारतीय साम्राज्यवादबाट छ त्यो खतरा । कालापानीमा उसले कब्जा गरिराखेको छ । नेपालको सिमानाका कैयौँ स्थानमा अतिक्रमण गरेको छ । मधेसलाई टुक्राउन कोसिस गरिराखेको छ । नेपालमा राजनीतिक हस्तक्षेप गरिराखेको छ । यसरी सम्पूर्ण रूपमा नेपालमाथि आफ्नो प्रभुत्व कायम गर्न प्रयत्न गरिरहेको छ । यो राष्ट्रियताको प्रश्न हो । राष्ट्रियताको प्रश्नमा हाम्रो काङ्ग्रेससँग, माओवादीसँग कार्यगत एकता हुन सकेको छैन किनभने उनीहरूले यसबारे स्पष्ट र दृढ नीति अपनाएका छैनन् ।’

तेस्रो खतरा प्रति लक्षित गर्दै वहाँले भन्नुभयो, ‘नेपालमा अमेरिकी साम्राज्यवादको खतरा गम्भीर रूपमा बढेर गएको छ । अमेरिकी साम्राज्यवादले हिन्द प्रशान्त रणनीतिभित्र नेपाललाई सामेल गरेर चीनमाथि आक्रमण गर्न नेपाली भूमिलाई उपयोग गर्नका लागि योजनाबद्ध प्रकारले काम गरिरहेको छ । पहिले अमेरिका भारतको माध्यमबाट, नेपालका राजनीतिक पार्टीको माध्यमबाट आउने गर्दथ्यो । अब त्यो सिधै आउन थालेको छ । पार्टी बनाएर आउन थालेको छ ।’

वहाँको धारणा थियो, ‘अमेरिकी साम्राज्यवादका विरुद्ध या भारतीय साम्राज्यवादका विरुद्ध काङ्ग्रेस र माओवादीसित हाम्रो कार्यगत एकता हुन सकिराखेको छैन किनकि त्यसप्रति उनीहरूको झुकाव छ । तर गणतन्त्रको प्रश्नमा, धर्मनिरपेक्षताको प्रश्नमा उनीहरूले स्पष्ट नीति अपनाइरहेका छन् अहिलेसम्म । यो स्थितिमा कम्युनिस्ट पार्टीको सिद्धान्तअनुसार आवश्यक परेको बेलामा संयुक्त मोर्चाको नीति अपनाइएको छ । त्यस कारण यो हाम्रो सैद्धान्तिक मान्यताअनुसार छ ।’

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

प्रतिक्रिया दिनुहोस

Array

राजनीति

हामीलाई कसैले कमजोर ठान्ने उथलपुथल हुन्छ: माधव नेपाल

हामीलाई कसैले कमजोर ठान्ने उथलपुथल हुन्छ: माधव नेपाल

रौतहट, ७ वैशाख । नेकपा एकीकृत समाजवादीका अध्यक्ष एवं पूर्व प्रधानमन्त्री माधवकुमार नेपालले आफूहरूलाई कसैले कमजोर ठान...
एमालेको राष्ट्रिय महाधिवेशन प्रतिनिधि परिषद् बैठक आजबाट

एमालेको राष्ट्रिय महाधिवेशन प्रतिनिधि परिषद् बैठक आजबाट

काठमाडौँ, ८ वैशाख । नेकपा एमालेको राष्ट्रिय महाधिवेशन प्रतिनिधि परिषद् बैठक आजबाट सुरु हुँदै छ । आज देखी सुरु हुने सो ...
कमरेड पुष्पलाल: राजनीतिक दर्शन र सामाजिक न्यायप्रतिको दृष्टिकोण

कमरेड पुष्पलाल: राजनीतिक दर्शन र सामाजिक न्यायप्रतिको दृष्टिकोण

डा चूडाप्रसाद ढकाल drchudadhakal@gmail.com  १. प्रस्तावना नेपाली कम्युनिस्ट आन्दोलनका प्रणेता मध्ये एक, कमरेड प...

गोकुल बास्कोटाको टिप्पणी- सबैतिर गठबन्धन गर्नु तर राजनीतिमा कहिल्यै गठबन्धन नगर्नु !

काठमाडौँ । नेकपा एमालेका सांसद तथा पूर्व मन्त्री गोकुलप्रसाद बास्कोटाले एकीकृत समाजवादीप्रति व्यङ्ग्य गर्दै सामाजिक सञ्जा...
Home
ताजा अपडेट
ट्रेन्डिङ
Search