दाँत पहेँलो भयो? यसरी गर्नुहोस् घरमै उपचार

काठमाडौँ – नियमित रूपमा दाँत सफा गरिएन भने दाँत पहेँलो देखिन थाल्छ। यदि दाँतको यो पहेँलो फोहोर समयमै सफा गरिएन भने यो अन्ततः जिद्दी प्लेकमा परिणत हुन्छ।

दाँतको सतहमा प्लाक यति नराम्रो रूपमा जम्मा हुन्छ कि यसलाई सजिलै सफा गर्न सकिँदैन।

यसले दाँतमा पहेँलोपन मात्र होइन, यसले दाँत सड्ने, सास गन्हाउने र गिजाको समस्या निम्त्याउँछ। यस्तो अवस्थामा बेसारको प्रयोग गरेर पहेँलो भाग हटाउने प्रयास गर्न सकिन्छ।

जान्नुहोस् सरी बेसारको प्रयोगले प्लाक हटाउन मद्दत गर्दछ र कुन उपायहरू दाँत सेतो बनाउन प्रभावकारी छन्?

बेसार र नरिवल तेल

पहेँलो दाँत सफा गर्न बेसार र नरिवलको तेल मिसाएर दाँत सफा गर्न प्रयोग गर्न सकिन्छ। यो मिश्रणलाई आफ्नो ब्रसमा राख्नुहोस् र त्यसपछि दाँत सफा गर्नुहोस्। दाँत चम्किन्छ।

बेकिङ सोडा

ब्रसमा बेकिङ सोडा लगाएर दाँतमा रगड्दा पनि दाँत सफा हुन्छ। बेकिङ सोडाको गुणले मुखमा जम्मा भएका ब्याक्टेरियालाई पनि बाहिर निकाल्छ। यसमा पानी हालेर पनि पेस्ट बनाउन सकिन्छ। यसबाहेक बेकिङ सोडामा नुन मिसाएर दाँत सफा गर्न सकिन्छ।

सुन्तलाको बोक्रा

सुन्तलाको बोक्रा पहेँलो दाँत सफा गर्न प्रयोग गर्न सकिन्छ। सुन्तलाको बोक्रालाई सुकाएर पिस्नुहोस्। त्यो धुलोमा पानी हालेर दाँतमा रगड्नुहोस्। यसको प्रभाव दाँतको पहेँलोपन र जिद्दी प्लेक हटाउनमा देखिन्छ।

स्ट्रबेरी

भिटामिन सी र मालिक एसिडले भरपुर स्ट्रबेरी दाँतको पहेँलोपन कम गर्न प्रभावकारी हुन्छ। तपाईँ स्ट्रबेरीलाई गिजा वा दाँतमा लगाउन सक्नुहुन्छ। यसले दाँत सफा गर्छ र सेतो देखिन्छ। स्ट्रबेरी दैनिक वा हप्तामा ३ देखि ४ पटक प्रयोग गर्न सकिन्छ।

यी सुझाव पनि उपयोगी हुन सक्छन्

तपाईँको दाँतमा प्लेक बनाउनबाट रोक्नको लागि दिनको दुई पटक दाँत माझ्नु महत्त्वपूर्ण छ। दाँतबाट प्लेक हटाउन फ्लस प्रभावकारी हुन्छ।
नरिवलको तेल प्लेक र भित्र भागसम्म जान्छ। त्यसैले दुई चम्चा नरिवलको तेल मुखमा राखेर कुल्ला गर्नुहोस्।
माउथवास प्रयोग गर्नु पनि फाइदाजनक हुन्छ। यसो गर्दा दाँतको बिचमा जमेको फोहोर हट्न थाल्छ।
विशेष गरी राति खाना खाइसकेपछि सुत्नुअघि मुख राम्ररी सफा गर्नुपर्छ।