सुन तस्करी प्रकरण : पूर्व सभामुख महरालाई सरकारी वकिल कार्यालय लगियो

काठमाडौँ, ५ चैत । सुन तस्करी प्रकरणमा पक्राउ परेका पूर्व सभामुख तथा माओवादी केन्द्रका वरिष्ठ उपाध्यक्ष कृष्णबहादुर महरालाई सरकारी वकिलको कार्यालयमा उपस्थित गराइएको छ ।

सोमबार बिहान रुपन्देहीबाट पक्राउ परेका उनलाई काठमाडौँ ल्याएर अपराह्न रामशाहपथस्थित सरकारी वकिलको कार्यालयमा उपस्थित गराइएको हो ।  

सुन तस्करी प्रकरणमा उच्चस्तरीय जाँचबुझ आयोगको प्रतिवेदनमा महराको संलग्नता देखाएपछि नेपाल प्रहरीको केन्द्रीय अनुसन्धान ब्युरो (सीआईबी)ले पक्राउ गरेको हो ।