ठमेलको होस्टेलमा चिनियाँ नागरिक मृत फेला

काठमाडौँ, २१ माघ । काठमाडौँको ठमेलस्थित नेपालय होम होस्टेलमा एक जना चिनियाँ नागरिक मृत फेला परेका छन् । 

यही १० माघदेखि नेपालय होम होस्टेलमा बस्दै आएका चिनियाँ नागरिक ४७ वर्षीय बाओ ग्वाङ मृत अवस्थामा फेला परेका हुन् । 

शवलाई पोस्टमार्टमका लागि त्रिवि शिक्षण अस्पताल महाराजगन्ज पठाएको प्रहरीले जनाएको छ । प्रहरीका अनुसार पोस्टमार्टम प्रतिवेदनबाट उनको मृत्युको कारण खुल्नेछ ।