Gyaan Ghar

Home

Advertisement

रुसले गरयो अहिलेसम्मकै सबैभन्दा ठुलो हमला, युक्रेनले भन्यो, ‘पश्चिमाको थप सहयोग चाहियो’

किभ, १४ पुस । रुस र युक्रेनबिच झन्डै दुई वर्षदेखि जारी युद्ध चलिरहेको छ तर रोकिने अवस्था अझै देखिँदैन ।

शुक्रवार मात्रै रुसले युक्रेनी सहरमा भीषण मिसाइल आक्रमण गरेको छ । जसका कारण देशभर १८ जना सर्वसाधारण मारिएका छन् भने ८६ जना घाइते भएको अन्तर्राष्ट्रिय मिडियाले जनाएका छन् ।

 

अन्तर्राष्ट्रिय सञ्चारमाध्यमका अनुसार शुक्रवार रुसले युक्रेनमा कुल १२२ मिसाइल र २६ ड्रोनहरू प्रहार गरेको थियो, जसले युक्रेनमा ठुलो क्षति पुर्‍याएको छ।

 

युक्रेनी वायुसेनाका एक अधिकारीले २२ महिना लामो युद्धमा यो नै रुसले गरेको सबैभन्दा ठुलो हवाई हमला भएको बताए ।

 

युक्रेनी सेना प्रमुख भ्यालेरी जालुज्नीले युक्रेनी वायुसेनाले आक्रमण गर्नुअघि ८७ मिसाइल र २७ प्रकारका ड्रोन खसालेको बताए। वायुसेना कमान्डर माइकोला ओलेशचुकले आफ्नो आधिकारिक टेलिग्राम च्यानलमा लेखेका छन् यो फेब्रुअरी २०२२ मा रुसको पूर्ण स्तरीय आक्रमण पछिको सबैभन्दा ठुलो हवाई हमला हो।

 

युक्रेनी वायुसेनाका अनुसार यसअघिको सबैभन्दा ठुलो आक्रमण नोभेम्बर २०२२ मा भएको थियो, जब रुसले युक्रेनविरुद्ध ९६ वटा मिसाइल प्रहार गरेको थियो। यो वर्षकै सबैभन्दा ठुलो हमलाको कुरा गर्ने हो भने गत मार्च ९ मा रुसले युक्रेनका विभिन्न सहरमा जम्मा ८१ वटा मिसाइल प्रहार गरेको थियो ।

 

युक्रेनी अधिकारीहरूले देशका पश्चिमी सहयोगीहरूलाई शुक्रवारको जस्तै हवाई आक्रमणबाट आफूलाई बचाउन थप हवाई सुरक्षा उपलब्ध गराउन आग्रह गरेका छन्। उनले आफ्ना पश्चिमी मित्र राष्ट्रहरूलाई पनि सहयोग जारी राख्नसमेत आग्रह गरेका छन् ।

 

युक्रेनी अधिकारीहरूले लगभग १८ घण्टाको आक्रमणमा कम्तीमा ८६ जना घाइते भएका र अज्ञात सङ्ख्यामा मानिसहरू भग्नावशेष मुनि दबिएको र तिनीहरूलाई बाहिर निकाल्ने काम भइरहेको बताए। युक्रेनमा क्षतिग्रस्त भवनहरूमा अस्पताल, अपार्टमेन्ट ब्लक र स्कुलहरू समावेश छन्।

 

यस भयानक आक्रमणको बारेमा युक्रेनी राष्ट्रपति भोलोडिमिर जेलेन्स्कीले सोसल मिडिया प्लेटफर्म भने, ‘आज (शुक्रवार) रुसले आफ्नो शस्त्रागारमा लगभग सबै प्रकारका हतियारहरू प्रयोग गरेको छ।’

 

उनका अनुसार क्रेमलिन (रुस) को सेनाले ब्यालिस्टिक र क्रुज मिसाइलसहित विभिन्न प्रकारका हतियारहरू प्रयोग गरेको छ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

प्रतिक्रिया दिनुहोस

राजनीति

दक्षिण कोरियाको ब्याट्री कारखानामा आगलागी, १६ जनाको मृत्यु

दक्षिण कोरियाको ब्याट्री कारखानामा आगलागी, १६ जनाको मृत्यु

काठमाडौँ । दक्षिण कोरियाको एक कारखानामा धेरै लिथियम ब्याट्री विस्फोट हुँदा आगलागी भएको छ । यस घटनामा १६ जनाको मृत्यु भएको...
सर्वोच्चको अन्तरिम आदेशपछि जोगियो फणीन्द्रको प्रदेश सांसद पद 

सर्वोच्चको अन्तरिम आदेशपछि जोगियो फणीन्द्रको प्रदेश सांसद पद 

काठमाडौँ । सर्वोच्च अदालतले गण्डकी प्रदेश सभा सदस्य फणीन्द्र देवकोटालाई तत्काल कारबाही नगर्न अन्तरिम आदेश दिएको छ । सर...
साउदी अरबमा हज यात्रामा मृत्यु हुनेको सङ्ख्या १३ सय नाघ्यो

साउदी अरबमा हज यात्रामा मृत्यु हुनेको सङ्ख्या १३ सय नाघ्यो

काठमाडौँ । साउदी अरेबियाको प्रशासनले हज यात्रामा मारिएका व्यक्तिको आधिकारिक तथ्याङ्क सार्वजनिक गरेको छ । साउदी प्रशासनका ...
अन्पाको कविता वाचन तथा समीक्षा कार्यक्रम सम्पन्न

अन्पाको कविता वाचन तथा समीक्षा कार्यक्रम सम्पन्न

काठमाडौँ, असार ९ । विचार र सिर्जनाको संयोजन गर्दै कविताहरूमा अझ निखारता ल्याउने उद्देश्यका साथ अखिल नेपाल प्रगतिशील लेखक ...
Home
ताजा अपडेट
ट्रेन्डिङ
Search